Қамчиқда иккита Isuzu билан тўқнашган Volvo ағдарилиб кетди

Қамчиқ довонида Volvo юк машинаси ҳайдовчисининг бошқарувни йўқотиши оқибатида йўл-транспорт ҳодисаси содир бўлди, деб хабар беради Фавқулодда вазиятлар вазирлиги матбуот хизмати.

Фото: Фавқулодда вазиятлар вазирлиги

Маълум қилинишича, 11 октябрь куни соат 05:45 да А-373 Тошкент—Ўш халқаро автомобиль йўлининг 222,5 километрида Водий—Тошкент йўналишида ҳаракатланиб кетаётган Volvo русумли юк машинаси ҳайдовчиси кутилмаганда бошқарувни йўқотиб, қарама-қарши йўналишга чиқиб кетган. Оқибатда у 5 ва 8 тонналик Isuzu юк машиналари билан тўқнашув содир этган. Йўл-транспорт ҳодиссаси оқибатида 8 тонналик Isuzu’да ёнғин чиққан.

Фото: Фавқулодда вазиятлар вазирлиги

Воқеа жойига ФВВининг «Қамчиқ» Махсус қидирув, ёнғин-қутқарув бошқармаси қутқарувчилари ва ЙПХ ходимлари етиб борган. Қутқарувчилар махсус асбоб-анжомлар ва техникалар ёрдамида ёнаётган машинани соат 06:07 да ўчирган. Шунингдек, ҳодиса оқибатларини бартараф этишга Фавқулодда вазиятлар давлат қуйи тизимига кирувчи ташкилотлар куч-воситалари ҳам жалб этилган.

Қутқарувчилар томонидан воқеа жойида жабрланган уч нафар юк машиналари ҳайдовчиларига биринчи тиббий ёрдам кўрсатилиб, шифохонага юборилган. Ҳодиса оқибатида ҳалок бўлганлар йўқ.

Аввалроқ Қамчиқ довонида юк автомобили ёниб кетгани, Қамчиқда бир нечта машиналар иштирокидаги йирик ЙТҲда 3 киши ҳалок бўлгани, Қамчиқда Nexia тўхтаб турган Isuzu’га урилгани тўғрисида хабар берилганди.

Ўзбекистонда долларнинг расмий курси эълон қилинди
Янгиликлар16:07 | 30.11.22
Ўзбекистонда долларнинг расмий курси эълон қилинди
Тошкентда Craft Fair Uzbekistan халқаро ҳунармандчилик маҳсулотлари ярмаркаси бошланди
Медиа, Янгиликлар15:59 | 30.11.22
Тошкентда Craft Fair Uzbekistan халқаро ҳунармандчилик маҳсулотлари ярмаркаси бошланди
Акмал Бурҳонов коррупционерларни суваракларга қиёслади
Янгиликлар15:11 | 30.11.22
Акмал Бурҳонов коррупционерларни суваракларга қиёслади
Тошкентда ИИБ ходимини ўлдиришда гумонланган эркак қўлга олинди
Янгиликлар14:47 | 30.11.22
Тошкентда ИИБ ходимини ўлдиришда гумонланган эркак қўлга олинди
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Янгиликлар14:33 | 30.11.22
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Шавкат Мирзиёев Россия президенти билан телефон орқали мулоқот қилди
Янгиликлар14:22 | 30.11.22
Шавкат Мирзиёев Россия президенти билан телефон орқали мулоқот қилди