БМТ Бош Ассамблеяси 12 октябрь куни «Украина ҳудудий яхлитлиги: БМТ низомига риоя қилиш» резолюциясини кўпчилик овоз билан қабул қилди. Унда Россия Украинанинг тўртта ҳудудини аннексия қилгани қораланган, деб хабар беради БМТ янгиликлар хизмати.

Резолюцияни 143 та давлат қўллаб-қувватлаган. Бешта мамлакат — Россия, Беларусь, Сурия, КХДР ва Никарагуа қарши овоз берган. Шунингдек, 35 та давлат, жумладан, Ўзбекистон, Тожикистон, Қирғизистон, Қозоғистон, Ҳиндистон, Хитой ва Покистон бетараф қолган.

Резолюция Украина бўйича 11-фавқулодда махсус сессияда қабул қилинган. Йиғилишда 80 нафар нотиқ сўзга чиққан. Биринчи махсус сессия 28 февралда ўтказилган эди. БМТ Хавфсизлик Кенгашининг доимий аъзоларидан бирортасининг вето қўйиш ҳуқуқини четлаб ўтиш имконини беради.

Эслатиб ўтамиз, собиқ ташқи ишлар вазири Абдулазиз Комилов Сенатнинг 17 март кунги ялпи мажлисида Украина ва Россия ўртасидаги урушда Ўзбекистоннинг Донецк ҳамда Луганскни республика сифатида тан олмаслигини маълум қилганди.