«Вилоятлардаги чиқинди полигонлари санитар-экологик талабларга жавоб бермайди» — Борий Алихонов

Вилоятлардаги мавжуд чиқинди полигонларининг аксарияти санитар-экологик талабларга жавоб бермайди. Бу ҳақда Оролбўйи минтақасини ривожлантириш масалалари қўмитаси раиси Борий Алихонов парламент комиссиясининг навбатдаги мажлисида маълум қилди, деб хабар беради Сенат матбуот хизмати «Bugun.uz».

Фото: «Янги Ўзбекистон»

Унинг сўзларига кўра, бир нечта полигонларда дизбарерлар мавжуд эмас. Шунингдек, санитар-эпидемиологик хавфсизликни таъминлаш учун уларнинг атрофлари ўралмаган, ёнғиндан сақланиш чоралари кўрилмаганлиги сабабли полигонларда кўплаб ёнғинлар содир бўлмоқда.

«Ҳудудларда қурилиш, ишлаб чиқариш, тиббий ва бошқа зарарли чиқиндиларни тўплаш, саралаш, чуқур қайта ишлаш ва утилизация қилиш ишлари умуман талабга жавоб бермайди. Шу туфайли ушбу чиқиндиларнинг аксарияти маиший чиқинди полигонларига жойлаштирилмоқда. Санитар-эпидемиологик осойишталикни таъминлаш учун тиббиёт чиқиндиларини алоҳида тўплаш ва утилизация қилиш масаласи тўлақонли ҳал этилмаган», — дейди Алихонов.

Шунингдек, Сенат қўмитаси раисининг айтишича, вилоятлардаги айрим шифохона ва бошқа тиббиёт муассасаларида тиббий биологик ва патологоанатомик чиқиндиларни зарарсизлантирадиган ва кўмадиган махсус ўралар талаб даражасида ташкил этилмаган. Тиббиёт муассасаларида ҳосил бўладиган радиологик чиқиндилар, жумладан, рентген хоналарда ҳосил бўладиган реагентлар, плёнкалар, термометрлар ва бошқа зарарли чиқиндиларни белгиланган тартибда йўқ қилишга ихтисослашган шаҳобчалар ташкил этилмаган.

«Тиббиёт ташкилотларининг харажатлар сметасида бундай чиқиндиларни утилизация қилиш учун маблағлар кўзда тутилмаган. Чиқиндиларни бошқариш бўйича давлат экологик назорати самарадорлигини таъминлаш ҳам етарли даражада эмас. Жумладан, 2022 йил 9 ой ҳолати бўйича белгиланган жарималарнинг ундирилиш кўрсаткичи Тошкент вилояти бўйича 53,7 фоизни, Бухоро вилояти бўйича эса 59,8 фоизни ташкил этди. Тошкент вилоятидаги назоратдаги 2689 та ижтимоий соҳа объектларидан 1542 таси берилган мажбурий кўрсатмаларни бажармаган. Бухоро вилояти бўйича эса бу кўрсаткич мутаносиб равишда 1135 та ва 960 тани ташкил этади», — дея таъкидлайди Борий Алихонов.

Аввалроқ Жиззахдаги махсус полигонда қарийб 3,5 миллион тонна чиқинди йиғилиб қолгани маълум бўлганди. Мазкур полигонга Жиззах шаҳри ва учта тумандан кунига 400 тоннадан зиёд чиқинди олиб келинади. Шунингдек, август ойида Ўзбекистонда қаттиқ маиший чиқиндиларнинг йиллик ҳосил бўлиш ҳажмининг прогнози 14-14,5 миллион тоннани ташкил этиши тўғрисида хабар берилганди.

«АҚШ Украинага 150 км масофадаги нишонни ишғол қиладиган ракеталарни жўнатмоқчи» — Reuters
Янгиликлар20:19 | 1.2.23
«АҚШ Украинага 150 км масофадаги нишонни ишғол қиладиган ракеталарни жўнатмоқчи» — Reuters
Тошкентда янги автобус йўналиши йўлга қўйилди
Янгиликлар19:16 | 1.2.23
Тошкентда янги автобус йўналиши йўлга қўйилди
Жиззахда қармоқ ёрдамида сақоқушни овлаган шахс ушланди — видео
Янгиликлар18:52 | 1.2.23
Жиззахда қармоқ ёрдамида сақоқушни овлаган шахс ушланди — видео
Республикадаги барча метан «заправка»лар фаолияти 2 февралдан қайта тикланади
Янгиликлар18:14 | 1.2.23
Республикадаги барча метан «заправка»лар фаолияти 2 февралдан қайта тикланади
Ўзбекистонда 2 февраль куни қандай об-ҳаво кузатилиши маълум қилинди
Янгиликлар17:11 | 1.2.23
Ўзбекистонда 2 февраль куни қандай об-ҳаво кузатилиши маълум қилинди
Орол денгизининг қуриган тубига чўл ўсимликларини экишнинг навбатдаги мавсуми бошланди
Янгиликлар16:29 | 1.2.23
Орол денгизининг қуриган тубига чўл ўсимликларини экишнинг навбатдаги мавсуми бошланди

Муҳим хабарлар

Тошкентда янги автобус йўналиши йўлга қўйилди

19:16 · 01.02.2023

Ўзбекистонда 2 февраль куни қандай об-ҳаво кузатилиши маълум қилинди

17:11 · 01.02.2023

Қамчиқ ҳамда Тахтақорача довонларида кучли ёғингарчилик кузатилиб, кўрувчанлик кескин қисқаради

15:57 · 01.02.2023

Шавкат Мирзиёевнинг Андижонга ташрифи Бўстон туманидан бошланди — фото

14:51 · 01.02.2023

Тошкентда квартиралар нархи ошди. Энг қиммат уйлар — Мирободда

13:51 · 01.02.2023

Самарқандда бир оиланинг икки фарзанди қўлбола тузламадан заҳарланиб вафот этди

13:18 · 01.02.2023

Тошкентда 12 ёшли қизнинг мурдаси зўрлик ва қотиллик аломатлари билан топилди

12:51 · 01.02.2023

АҚШ «Нукус воқеалари» пайтида қонунни бузган хавфсизлик кучлари ходимларини жазолашга чақирди

12:34 · 01.02.2023

Шавкат Мирзиёев Андижонга жўнаб кетди

11:24 · 01.02.2023

Сурхондарёда топилган ноёб айиқ боласига ном қўйиш учун танлов эълон қилинди

10:54 · 01.02.2023