Тошкентдан Қашқадарёга 9 ойда қанча одам кўчиб кетгани маълум бўлди

Тошкент шаҳридан республиканинг бошқа ҳудудларига доимий яшаш мақсадида 2022 йил январь-сентябрь ойларида жами 7741 киши кўчиб кетган. Бу ҳақда Давлат статистика қўмитаси хабар берди.

Фото: «Bugun.uz»

Қайд этилишича, Тошкент шаҳридан кўчиб кетиш 2021 йилнинг мос даври билан солиштирилганда 676 кишига (9,6 фоизга) ошган. Фуқаролар тўққиз ой давомида Тошкент шаҳридан асосан Тошкент вилоятига кўчиб кетган — 5778 нафар. Ундан кейинги ўринни Қашқадарё вилояти банд этган — 312 киши мазкур вилоятга кўчиб кетган.

Тошкент шаҳридан ҳудудларга доимий яшаш учун кўчиб кетганлар сони:

  • Тошкент вилояти — 5778 киши;
  • Қашқадарё вилояти — 312 киши;
  • Самарқанд вилояти — 224 киши;
  • Бухоро вилояти — 195 киши;
  • Сурхондарё вилояти — 178 киши;
  • Хоразм вилояти — 176 киши;
  • Қорақалпоғистон — 149 киши;
  • Фарғона вилояти — 147 киши;
  • Андижон вилояти — 132 киши;
  • Жиззах вилояти — 130 киши;
  • Навоий вилояти — 128 киши;
  • Сирдарё вилояти — 121 киши;
  • Наманган вилояти — 71 киши.

Аввалроқ Ўзбекистоннинг бошқа ҳудудларидан 2022 йил январь-август ойларида Тошкент шаҳрига доимий яшаш учун кўчиб келганлар сони 33 802 кишини ташкил этгани тўғрисида хабар берилганди.

Маълумот учун, 2022 йилнинг 1 июль ҳолатига кўра, республиканинг доимий аҳолиси 35,6 миллион кишини ташкил этмоқда. Уларнинг 17,7 миллиони аёллар бўлса, эркак сони бироз кўпроқ — 17,9 миллион. Шунингдек, шаҳарда яшовчилар сони 18,1 миллион кишига етган бўлса, қишлоқда яшовчилар 17,5 миллион нафарни ташкил қилмоқда.

Акмал Бурҳонов коррупционерларни суваракларга қиёслади
Янгиликлар15:11 | 30.11.22
Акмал Бурҳонов коррупционерларни суваракларга қиёслади
Тошкентда ИИБ ходимини ўлдиришда гумонланган эркак қўлга олинди
Янгиликлар14:47 | 30.11.22
Тошкентда ИИБ ходимини ўлдиришда гумонланган эркак қўлга олинди
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Янгиликлар14:33 | 30.11.22
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Шавкат Мирзиёев Россия президенти билан телефон орқали мулоқот қилди
Янгиликлар14:22 | 30.11.22
Шавкат Мирзиёев Россия президенти билан телефон орқали мулоқот қилди
«Спартак» собиқ футболчиси Амстердам аэропортида 115 кг кокаин билан қўлга тушди
Янгиликлар14:02 | 30.11.22
«Спартак» собиқ футболчиси Амстердам аэропортида 115 кг кокаин билан қўлга тушди
Қозоғистонда Ўзбекистон билан чегарада ноқонуний миграция билан шуғулланганлар ушланди
Янгиликлар13:44 | 30.11.22
Қозоғистонда Ўзбекистон билан чегарада ноқонуний миграция билан шуғулланганлар ушланди