Украинада содир бўлаётган уруш оқибатида Москва ҳокимлигидаги бўлимлардан бирининг бошлиғи ҳалок бўлди, деб хабар беради Meduza.

«Ёшлигида у Семёновский полкида хизмат қилган. Жанговар қобилияти бўлмаган. Бир неча кундан кейин фронтга юборилганди», — деб ёзади RT бош муҳаррири Лосева.

Аввалроқ сентябрь ойида «Дождь» телеканали Россияда сафарбарлик уч босқичда — 26 сентябрдан 10 октябргача, 11 октябрдан 25 октябргача ва 26 октябрдан 10 ноябргача бўлиб ўтиши ҳақида хабар берганди. Россияда сафарбарликка чақирилганлар сони 200 мингдан ошгани айтилган эди. Кейинроқ Кремль Россияда сафарбарликнинг «иккинчи тўлқини» бошланганини рад этди.

Эслатиб ўтамиз, Москвадаги бир нечта полиция идорасида 21 сентябрь куни ўтказилган сафарбарликка қарши норозилик намойишларида қўлга олинган фуқароларга «военкоматга» бориш бўйича чақирув қоғозлари берилгани айтилганди. Шунингдек, Россия президенти Владимир Путин мамлакатда қисман сафарбарлик эълон қилди ва тегишли қарор имзоланди. У ҳарбий хизматга чақирилганлар қисмларга юборилишдан аввал мажбурий тартибда махсус ҳарбий операция тажрибасидан келиб чиқиб, қўшимча ҳарбий тайёргарликдан ўтказилишини маълум қилган.