21:31 | 15.10.22 191
Ўзбекистонда доимий аҳоли сони ҳар куни ўртача 2 минг кишига ошмоқда — статистика
Шунингдек, мамлакат аҳолиси йил бошидан буён ҳар ойда ўртача 61,1 минг кишига кўпайган
Давлат статистика қўмитаси маълумотларига кўра, 2022 йилнинг 1 октябрь ҳолати бўйича республиканинг доимий аҳолиси сони 35,8 миллион кишини ташкил этмоқда.
Қайд этилишича, мамлакат аҳолиси йил бошидан буён ҳар ойда ўртача 61,1 минг кишига кўпайган.
Шунингдек, 2022 йилнинг ҳар бир кунида доимий аҳоли сони ўртача 2 минг кишига кўпаймоқда.
Аввалроқ Ўзбекистонда 1 километр квадрат майдонга қанча аҳоли тўғри келиши, мамлакат аҳолиси кунига қанчага кўпаяётгани маълум қилинганди. Шунингдек, Ўзбекистон аҳолисининг ўртача умр кўриш ёши бўйича маълумот берилган.
