Москвада қисман сафарбарлик якунланди

Москвада қисман сафарбарлик бўйича чақирув якунланди. Бу ҳақда шаҳар мэри Сергей Собянин маълум қилди, деб хабар беради «Коммерсантъ». Сафарбарликка жалб этилганларни тўплаш пунктлари 17 октябрь куни соат 14:00 да ёпилади.

Фото: «Smotrim.ru»

«Сафарбарлик жараёнида яшаш жойи ва корхоналарга юборилган чақирув қоғозлари ўз кучини йўқотади», — деб ёзади мэр ўзининг блогига. У москваликлар хизмат қилаётган вилоятлар раҳбарияти билан биргаликда «ҳарбий қисмларда ҳаётни яхшилашга ёрдам бериш»ни ваъда қилган.

Россияда 21 сентябрь куни президент Владимир Путиннинг қарори билан қисман сафарбарлик эълон қилинган. Сафарбарликка жалб этилган москваликларга ҳар ойда қўшимча 50 минг рубль тўланади. Сергей Собянин, шунингдек, сафарбарликка жалб этилган фуқароларнинг оилаларини қўллаб-қувватлаш бўйича қўшимча чора-тадбирларни жалб этган. Хусусан, уларнинг болалари мактабларда икки маҳал бепул овқатланади, бутун оилага психологик ёрдам кўрсатилиши таъминланади. Бундан ташқари, сафарбарликка жалб этилганларнинг қариндошлари уларга тўланаётган пулларни олиши мумкин.

Аввалроқ 2022 йилнинг 11 октябрь куни Ростов ва Курск вилоятлари ҳокимияти сафарбарликнинг янги босқичи бошланганини эълон қилганди. Санкт-Петербургдаги Инсон ҳуқуқлари бўйича комиссар Светлана Агапитова ҳам сафарбарликнинг биринчи босқичи 10 октябрда якунланиши кераклигини айтганди. Сентябрь ойида «Дождь» телеканали Россияда сафарбарлик уч босқичда — 26 сентябрдан 10 октябргача, 11 октябрдан 25 октябргача ва 26 октябрдан 10 ноябргача бўлиб ўтиши ҳақида хабар берган.

Шунингдек, Кремль Россияда сафарбарликнинг «иккинчи тўлқини» бошланганини рад этилган. Путин cафарбарлик тахминан икки ҳафтада тугашини маълум қилганди.

Акмал Бурҳонов коррупционерларни суваракларга қиёслади
Янгиликлар15:11 | 30.11.22
Акмал Бурҳонов коррупционерларни суваракларга қиёслади
Тошкентда ИИБ ходимини ўлдиришда гумонланган эркак қўлга олинди
Янгиликлар14:47 | 30.11.22
Тошкентда ИИБ ходимини ўлдиришда гумонланган эркак қўлга олинди
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Янгиликлар14:33 | 30.11.22
«Биз жуда катта хато қилдик». Нукус воқеалари бўйича айбланаётган Лолагул Каллиханова ўз айбига тўлиқ иқрорлигини айтди
Шавкат Мирзиёев Россия президенти билан телефон орқали мулоқот қилди
Янгиликлар14:22 | 30.11.22
Шавкат Мирзиёев Россия президенти билан телефон орқали мулоқот қилди
«Спартак» собиқ футболчиси Амстердам аэропортида 115 кг кокаин билан қўлга тушди
Янгиликлар14:02 | 30.11.22
«Спартак» собиқ футболчиси Амстердам аэропортида 115 кг кокаин билан қўлга тушди
Қозоғистонда Ўзбекистон билан чегарада ноқонуний миграция билан шуғулланганлар ушланди
Янгиликлар13:44 | 30.11.22
Қозоғистонда Ўзбекистон билан чегарада ноқонуний миграция билан шуғулланганлар ушланди