Тошкентда Фарҳод кўчасининг бир қисми вақтинча ёпилди
Бу вақтда йўл-таъмирлаш ишлари олиб борилади
Тошкентдаги Фарҳод кўчасининг бир қисми 5 кунга ёпилади. Бу ҳақда шаҳар ҳокимлиги матбуот хизмати хабар берди.
Қайд этилишича, Фарҳод кўчасининг Кичик ҳалқа автомобиль йўлидан Лутфий кўчасигача бўлган қисми 17−21 октябрь кунлари қисман ёпилди. Бу вақтда йўл-таъмирлаш ишлари олиб борилиши таъкидланган.
Йўл-таъмирлаш ишлари олиб борилаётганлиги сабабли 17 октябрь соат 22:00 дан 21 октябрь соат 07:00 га қадар Фарҳод кўчасининг Кичик ҳалқа автомобиль йўлидан Лутфий кўчасигача бўлган қисми қисман ёпилди. Ҳайдовчилардан айланма йўллардан фойдаланиш тавсия қилинган.
Аввалроқ Тошкент шаҳрининг айрим кўчалари «Велосипед куни» акцияси муносабати билан вақтинча ёпилиши тўғрисида хабар берилганди. Шунингдек, Чилонзор туманининг айрим кўчалари ҳам июнь ойида вақтинча ёпилганди.
