Бельгия Украинага қурол сотиб олиш учун яна 500 млн eвро беради
Шунингдек, украиналик аскарларни ўқитишга 60 млн eврогача маблағ ажратилади
Брюссел Киевга қурол сотиб олиш учун яна 500 миллион эвро беради ва ўз ҳудудида 15 минг украиналик аскарни ўқитади. Бу ҳақда «Euronews» хабар берди.
Европа Иттифоқининг дипломатия бўйича Олий вакили Жозеф Боррелга кўра, Бельгия Украина аскарларини ўқитиш учун 50-60 миллион эврогача маблаға жратишини маълум қилган. Германия, Франция, Италия ва Испания умумий бюджетга ҳисса қўшади.
«Урушнинг ижтимоий-иқтисодий оқибатлари аниқ ва бутун дунёда исботини топиб бормоқда. Россия тобора яккаланиб бормоқда, буни БМТдаги сўнгги овоз беришда ҳам кўришимиз мумкин. Ахлоқий, сиёсий, ҳатто ҳарбий жиҳатдан ҳам Россия бу урушни йўқотади. Шунинг учун биз Украинани қўллаб-қувватлашда давом этишимиз керак», — деган Жозеф Боррел.
Аввалроқ Украина мудофаа вазири Германияни мамлакатга қурол етказиб беришни блоклашда айблаганди. Шунингдек, Германия Украинага қурол етказиб беришни рад этгани ҳақида хабар берилганди.
