Самарқандда мактаб директори ўқувчини уриб, қулоқ пардасини йиртиб юборди

Самарқанд вилояти Ургут туманидаги 61-мактаб директори ўқувчини уриб, қулоқ пардасини йиртиб юборди. Бу ҳақда Zo‘rTV телеканали «Bu kun» дастурида хабар берилди.

Қайд этилишича, ўқувчилардан бири сифхонада пиротехника воситасини портлатган ва бундан хабар топган директор ўқувчини синфдаги болалар кўз ўнгида калтаклаган. Оқибатда воқеада умуман айби бўлмаган 12 ёшли боланинг қулоқ пардаси йиртилиб, кетган.

Мактаб ҳудудида фойдаланилган пиротехника воситаси эса мактаб ошхонасидан сотиб олингани айтилмоқда.

«Мендан айб ўтмаган, уни мен портлатмадим. Директор келиб, мени урди. Қулоғим шанғиллаб, йиқилиб тушаётганимда ‘шантаж’ қима деб, тепиб-калтаклайверди», — деган ўқувчи.

Шунингдек, ўқувчига биринчи ёрдам кўрсатган шифокорнинг таъкидлашича, унинг қулоқ пардаси кучли зарба оқибатида тешилган, қон излари сақланиб қолган.

Мактабда директорнинг тарафдорлари кўплиги, уларнинг кўпчилиги қариндошлари эканлиги айтилган. Шу билан бирга воқеа содир бўлган кунги видео камерадаги тасвирлар ҳам ўчириб юборилган. Мактаб ошхонаси эса вақтинча ёпиб қўйилгани маълум қилинган.

Жабрланган ўқувчининг отаси эса икки кундан буён ички ишлар ҳодимлари ундан ариза ҳам олмаганини таъкидлаган.

Чақиртирилган вақтдан 2 соат ўтиб, мактабга етиб келган туман халқ таълими бўлими ҳодимлари ҳолатдан хабари йўқлигини айтган.

«Халқ таълими вазирлигининг 2022 йил 28 июлдаги 246-сонли одоб-аҳлоқ нормалари бор. Бу вазиятда ўқувчи ҳам, ўқитувчи ҳам ушбу қоидаларни бузган. Бу борада педагогларга ҳам, ўқувчиларга ҳам белгиланган тартиблар бор», — деган ХТБ ҳодими.

Ҳолат юзасидан қўшимча маълумотлар тақдим этилади.

Эслатиб ўтамиз, аввалроқ Наманганда география фани ўқитувчиси 5-синф ўқувчисини калтаклагани учун жавобгарликка тортилганди. Шунингдек, Наманган вилоятида физика ўқитувчси ўқувчиси томонидан калтаклангани хабар қилинганди.

Туркманистон пойтахтида «чиройли» рақамларни автомобиллардан олиб ташлаш буюрилди
Янгиликлар22:02 | 30.11.22
Туркманистон пойтахтида «чиройли» рақамларни автомобиллардан олиб ташлаш буюрилди
Ўзбекистонда ерларни аукционга чиқариш соддалаштирилади
Янгиликлар21:23 | 30.11.22
Ўзбекистонда ерларни аукционга чиқариш соддалаштирилади
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Мақолалар21:00 | 30.11.22
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Пеле касалхонага ётқизилди
Спорт20:38 | 30.11.22
Пеле касалхонага ётқизилди
Россияда террористларни молиялаштирганликда айбланган Ўзбекистон фуқароси 16 йилга қамалди
Янгиликлар20:11 | 30.11.22
Россияда террористларни молиялаштирганликда айбланган Ўзбекистон фуқароси 16 йилга қамалди
НАТО бош котиби Украинада тинчликни таъминлашнинг «ягона йўли» ҳақида гапирди
Янгиликлар19:20 | 30.11.22
НАТО бош котиби Украинада тинчликни таъминлашнинг «ягона йўли» ҳақида гапирди