Ўзбекистоннинг тоғли ҳудудларида қор ёғди — видео
Хусусан, Зомин, Фориш тоғлари ва Қамчиқ довонини қор қоплаган
«Ўзгидромет» Жиззах вилояти Фориш тумани тоғларида қор ёғаётганини маълум қилди.
Шунингдек, Жиззах вилояти Экология бошқармасига кўра, Зомин тоғлари ҳам қор билан қопланган.
«Давлат экология қўмитаси тасарруфида бўлган Зомин давлат қўриқхонасининг тоғларига ҳам қор ёғиб, чўққилар оқликка бурканмоқда», дейилади хабарда.
Бундан ташқари, «Қамчиқ» довонига ҳам қор ёғмоқда. Таъкидланишича, транспорт воситалари икки томонлама хавфсиз ҳаракатланмоқда.
«Қор, туман. Ҳаво ҳарорати 0 даражани ташкил этмоқда. Ҳайдовчилардан барча хавфсизлик чораларини кўришларини тавсия қиламиз», дейилади «Қамчиқавтойўл» хабарида.
Аввалроқ Ўзбекистонда 19 октябрь куни кузатиладиган об-ҳаво маълумоти эълон қилинган, шунингдек, Тошкентда ҳаво сифати сезиларли даражада яхшилангани айтилганди.
