Британия бош вазири лавозими учун асосий давогарлар маълум бўлди
Улар орасида Лиз Трассдан аввалги собиқ бош вазир ҳам бор
Буюк Британиянинг амалдаги бош вазири Лиз Трасс истеъфога чиққани ҳақида хабар берилганди. Шундан сўнг мамлакатнинг собиқ ҳукумат раҳбари Борис Жонсон сайловларда ўз номзодини қўймоқчилигини билдирди. Бу ҳақда The Times хабар берди.
Қайд этилишича, Жонсондан ташқари собиқ Молия вазири Риши Сунак ва Британия Жамаолар палатаси раҳбари Пенни Мордонт ҳам бош вазир лавозими учун курашиши кутилмоқда.
Шунингдек, эҳтимолий бош вазир сифатида Британиянинг Молия вазири Жереми Хант ва Мудофаа вазири Бен Уоллесни номзоди ҳам тахмин қилиб кўрсатган.
Аммо, Хант Трасснинг истеъфосидан кўп ўтмай ўз номзодини қўймаслигини айтган, Уоллес ҳам Мудофаа вазири бўлиб қолишни хоҳлашини маълум қилган.
The Times’га кўра, Сунак тарафдорлари сўнгги сайловлардан кейин у бош вазир лавозими учун энг муносиб номзод деб кўрсатилмоқда.
