Бухорода аёл ўқотар қуролдан яраланди

Бухоро вилояти Олот туманида аёл ўқотар қурол бехосдан отилиб кетиши оқибатида жароҳатланди. Бу ҳақда вилоят Ички ишлар бошқармаси ахборот хизмати хабар берди.

Маълум қилинишича, 2022 йилнинг 19 октябрь куни тахминан соат 09:30 ларда Олот тумани «Давлатбой» маҳалласида яшовчи фуқаро турмуш ўртоғи билан Бухоро шаҳрига бориш мақсадида қўшниси бошқарувида бўлган Nexia-3’нинг орқа ўриндиғига ўтираётган вақтида автомашина эгаси томонидан орқа ўриндиқда қолдирилган ўз номига расмийлаштирилган «ТОЗ-20» русумли 20 калибрли 2 нилли ўқотар ов қуроли, қуролни сақлаш ва олиб юриш қоидаларига риоя қилинмагани сабали ўз-ўзидан отилиб кетиб, аёл иккала оёқларининг болдир суяклари очиқ майдаланиб синишига сабаб бўлган.

Ҳолат юзасидан Жиноят кодексининг 249-моддаси (қуролни ва унинг ўқ-дориларини сақлаш, олиб юриш, ташиш қоидаларини бузиш) билан жиноят иши қўзғатилиб, дастлабки тергов ҳаракатлари олиб борилаётгани маълум қилинган.

«Шу ўринда, фуқаролардан ов қуролларини Ўзбекистон Республикасининг «Қурол тўғрисидаги қонунчилик такомиллаштирилиши ҳамда айрим қонун ҳужжатларига ўзгартиш ва қўшимчалар киритиш ҳақида»ги қонун ҳамда бошқа норматив ҳужжатлар, шунингдек тасдиқланган йўриқнома талаблари асосида тегишли тартибда рўйхатдан ўтказиб, сақлаш ва олиб юриш бўйича белгиланган қоидаларга қатъий амал қилишларини сўраб қоламиз», дейилади хабарда.

Аввалроқ Бухорода тадбиркорни ўқотар қурол ёрдамида ўлдириш билан қўрқитиб, 70 минг доллар пулини ўзлаштирмоқчи бўлган жиноий гуруҳ ушлангани, Тошкент вилоятида ўқотар қуролни ноқонуний сақлаб келган шахсга жиноят иши қўзғатилгани ва Бухорода 63 йиллик ўқотар қуролни ноқонуний шахсга нисбатан жиноят иши қўзғатилгани хабар қилинганди. Шунингдек, Тошкентда Malibu ўқотар қурол билан тўхтатилганди.

«Британия Россияга қарши янги санкциялар жорий этади» — Bloomberg
Янгиликлар18:41 | 8.12.22
«Британия Россияга қарши янги санкциялар жорий этади» — Bloomberg
Ўзбекистонда ноябрь ойида қанча никоҳдан ажралиш ҳолати қайд этилгани маълум қилинди
Янгиликлар18:12 | 8.12.22
Ўзбекистонда ноябрь ойида қанча никоҳдан ажралиш ҳолати қайд этилгани маълум қилинди
Ўзбекистоннинг қайси вилоятларида газдан узилишлар кузатилаётгани маълум қилинди
Янгиликлар17:43 | 8.12.22
Ўзбекистоннинг қайси вилоятларида газдан узилишлар кузатилаётгани маълум қилинди
Ўзбекистон олтин-валюта захиралари ҳажми 33,4 млрд долларга етди
Янгиликлар17:14 | 8.12.22
Ўзбекистон олтин-валюта захиралари ҳажми 33,4 млрд долларга етди
Ўзбекистонда айрим давлат хизматлари қўшимча тўлов эвазига тезлаштирилган тартибда кўрсатилади
Янгиликлар16:44 | 8.12.22
Ўзбекистонда айрим давлат хизматлари қўшимча тўлов эвазига тезлаштирилган тартибда кўрсатилади
МДҲ ва ШҲТга аъзо давлатлар мудофаа вазирлари Москвада учрашади
Янгиликлар16:25 | 8.12.22
МДҲ ва ШҲТга аъзо давлатлар мудофаа вазирлари Москвада учрашади