Фарғонада содир бўлган ЙТҲ оқибатида икки киши ҳалок бўлди
Ҳолатга Lacetti йўлнинг қарама-қарши йўналишига чиқиб кетиши сабаб бўлган
Фарғонада Matiz ва Lacetti иштирокида содир бўлган йўл-транспорт ҳодисаси оқибатида Матиз ҳайдовчиси ҳамда йўловчиси ҳалок бўлди. Бу ҳақда «Sevimli» телеканали «Zamon» кўрсатувида маълум қилинди.
Қайд этилишича, 15 октябрь куни Фарғона шаҳар ҳудудидан ўтган 4К-919 «Жумадан Бешбола» автомобиль йўлида фуқаро С.А. Lacetti автомашинасини бошқариб кетаётиб, қарама-қарши йўналишга чиқиб кетган ва ҳаракатланиб келаётган Matiz автомашинаси билан тўқнашув содир бўлган.
Оқибатида Matiz автомобили ҳайдовчиси Р.Ж. ҳамда ушбу автомашинада йўловчи сифатида кетаётган Қ.И. воқеа жойида вафот этган.
Шунингдек, Lacetti ҳайдовчиси ва йўловчилари С.Т ва Р.А тан жароҳати олиб шифохонага ётқизилган.
Аввалроқ Наманганда ўзганинг Damas’ини олиб қочиб, ЙТҲга учраган эркакка ҳукм ўқилгани, Фарғонада Lacetti ва Matiz иштирокидаги ЙТҲда икки киши ҳалок бўлгани, Қашқадарёда ИИБ ходими бошқарувидаги Nexia ЙТҲга учрагани, Самарқандда Lacetti ЙТҲга учраши оқибатида беш киши ҳалок бўлгани тўғрисида хабар берилганди.
