Жиззахда тепловоз юк машинасини уриб юборди — видео
Юк автомобили ҳайдовчиси жароҳат олиб, жонлантириш бўлимига ётқизилган
Жиззах вилояти Шароф Рашидов туманида поезд юк машинасини уриб юборди, деб хабар беради ФВВ матбуот хизмати.
Қайд этилишича, 20 октябрь куни кеч соат 00:25 да Жиззах вилояти ФВБ навбатчилик қисмига туманнинг У.Хатамов номидаги МФЙ ҳудудида ҳаракатланиб кетаётган Chakman русумли юк автомобили Жиззах-2 Чаманзор темир йўл бекатлар оралиғининг 3550-километрида ҳаракатланиб кетаётган тепловознинг йўлига чиқиб кетиши оқибатида йўл-транспорт ҳодисаси содир бўлгани тўғрисида маълумот келиб тушган.
Воқеа жойига Фавқулодда вазиятлар бошқармаси қутқарув отряди қутқарувчилар бўлинмаси юборилди. Йўл-транспорт ҳодисаси оқибатида тепловоз ўз изидан чиқиб кетиб ҳаракатдан тўхтаган.
Шунингдек, юк автомобили ҳайдовчиси тан жароҳати олган, унга жойида зарурий тиббий ёрдам кўрсатилиб, РШТЁИМ Жиззах филиали жонлантириш бўлимига ётқизилган.
Аввалроқ Наманганда ўзганинг Damas’ини олиб қочиб, ЙТҲга учраган эркакка ҳукм ўқилгани, Тошкентда учта машина иштирокида ЙТҲ содир бўлгани, Сурхондарёда Nexia бошқарган вояга етмаган йигитлар ЙТҲга учрагани тўғрисида хабар берилганди.
Мавзуга доир: Наманганда Cobalt ва трактор ўртасида ЙТҲ содир бўлди
