Россиянинг Украинадаги ҳарбий ҳаракатлари 241-куни ва Украина аҳолисининг «махсус операция» вақтидаги турмуш тарзини тасвирловчи энг сара суратлар билан танишинг.

Украинанинг СУ-25 қирувчи самолёти Бахмутда ракета зарбаларидан чалғитувчи манёвр ёрдамида ҳимояланмоқда.

Украинанинг Ровно вилоятида ўт ўчирувчилар Россиянинг ракета ҳужуми натижасида зарар кўрган энергетика инфратузилмаси объектларида ёнғинни ўчириш билан банд.

Украина аскари Бахмут яқинида ўзиюрар артиллерия қурилмасини бошқармоқда

Украина ҳарбийларининг ўзиюрар артиллерияси жанг пайтида.

Россия ҳарбийлари Украинанинг Бахмут шаҳрини ўққа тутганидан сўнг.

Николаев шаҳрида яшовчи аёл яқинда Россиянинг шаҳарга ракета ҳужуми натижасида вайрон бўлган турар жой биноси олдида. Николаевни ўққа тутиш давом этмоқда

Ҳарбий шифокор яқинда Украина томонидан қайтариб олинган Синичино қишлоғи аҳолиси учун дори-дармонлар олиб келди. Синичино 2022 йил сентябрь ойида Украина Қуролли Кучларининг қарши ҳужуми натижасида озод қилинган Изюм ёнида жойлашган.

Армия тиббиёт бригадаси аъзолари Синичинода кўзи ожиз аёлга дори бермоқда.

Синичинода яшовчи аёл Украина армияси тиббиёт бригадасига ташаккур изҳор қилмоқда.

Болалар боғчаси ходими оловда овқат пиширмоқда. Россия ракета зарбалари оқибатида шаҳарда электр таъминоти узилган.

«World Central Kitchen» нодавлат ташкилоти кўнгиллилари Россиянинг ракета ҳужуми туфайли электр узилиши вақтида Николаев касалхонасида беморлар ва маҳаллий аҳоли учун овқат пиширмоқда.

Николаевлик аёллар ичимлик суви солинган шишаларни кўтариб келмоқда. Шаҳарни таъминловчи магистраль қувур уруш бошланганидан бери шикастланган

Украинанинг Херсон шаҳридаги рус маъмурияти шанба куни тинч аҳолига Украина кучлари олдинга силжиб бораётган кескин ҳарбий вазият туфайли шаҳардан зудлик билан чиқиб кетишлари кераклигини айтди. Суратда шаҳардан чиқиб кетаётган кексалар.

Херсон аҳолисини Днепрнинг ўнг қирғоғига эвакуация қилиш ҳаракати давом этмоқда.

Херсон губернатори вазифасини бажарувчи Сальдонинг таъкидлашича, одамларни Херсондан эвакуация қилиш чораси қўшин чизиғидаги кескин вазият ҳамда ҳудудга ракета ва артиллерия ҳужумлари хавфи кучайганлиги сабабли эҳтиёт чораси ҳисобланади. Суратда эвакуация қилинаётган аҳолининг темир йўл вокзалида навбатда тургани тасвирланган.

Россия назорати остидаги Херсон шаҳридан эвакуация қилинган тинч аҳоли Украинанинг Россия назоратидаги Херсон вилояти Олешки шаҳрига етиб бориши билан паромдан тушмоқда.

Херсон шаҳридан эвакуация қилинаётган қизалоқ.

Херсондан эвакуация қилинган одамлар Олешки шаҳрида Қримга кетаётган автобусга чиқмоқда.

Херсондан эвакуация қилинган маҳаллий аҳоли Қримнинг Жанкой шаҳридаги темир йўл вокзалига етиб келишди, у ерда вақтинчалик жойлаштириш марказлари ташкил этилган.

Минтақа раҳбарининг айтишича, Россия кунига 10 мингга яқин аҳолини Херсондан кўчиришни режалаштирмоқда ва Украинанинг қарши ҳужумини кутган ҳолда аҳолини қабул қилишга тайёрланмоқда. Суратда Херсон шаҳрини тарк этаётган оила.

Россия Фавқулодда вазиятлар вазирлиги ходимлари Россия назорати остидаги Херсон шаҳридан, кекса аёлни эвакуация қилмоқда.