Риши Сунак расман Буюк Британия бош вазири этиб тайинланди

Консерваторлар партияси вакили Риши Сунак Буюк Британия қироли Чарльз III томонидан бош вазирликка тасдиқланди. Бу ҳақда «РИА Новости» хабар берди.

Фото: «РИА Новости»

Август ойида собиқ молия вазири Риши Сунак июлда истеъфога чиққан Борис Жонсондан кейин бош вазир лавозими учун асосий даъвогалардан эди. Бироқ ўшанда у Консерватив партия аъзоларини кўндира олмаган: улар Лиз Трассга овоз берган.

Ёзги кампания вақтида Сунак асосий эътиборни Буюк Британия иқтисодиётига қаратиб, уни инқироздан олиб чиқиш режаларини таклиф этган. Ўшанда у «ёлғон ваъда ёрдамида ғалаба қозонгандан кўра» мағлубиятга учраш яхшилигини айтган. Натижада Трасс бош вазирга айланган, бироқ унинг солиқларни камайтириш борасидаги радикал таклифи бозорда катта ваҳимани келтириб чиқаргани боис бир ойдан кейин у қайтариб олинган.

Сунак 2020 йилнинг февралида Буюк Британия молия вазири этиб тайинланган ва бир неча ҳафтадан кейин пандемия ва узоқ давом этган локдаун бошланган. Ўша йилнинг баҳорида у мамлакат пандемиядан қутулиши учун барча ишни қилишга ваъда берган ва фуқаролар ҳамда бизнесларни умумий ҳисобда 350 миллиард фунтлик қўллаб-қувватлаш чораларини эълон қилган. Натижада сўровларда унинг рейтинги кўтарилиб кетган.

Бироқ Буюк Британия иқтисодиёти олдингидек қийин аҳволда қолган. Сунакнинг ўзи 2020 йил июнда Даунинг-стритда локдаун қоидаларини бузгани учун жаримага тортилган. Апрель ойида баъзи консерватив танқидчилар миллионер Сунакнинг инглизлар дуч келаётган яшаш нархининг ўсишини тушунишига шубҳа билдирган.

Шунингдек, Сунак ва унинг оиласи молиявий даромадлари сабаб жамоатчилик диққати марказига тушиб қолган. Сунакнинг рафиқаси Акшата Мурти отасининг Infoys компаниясида улушга эга бўлиб, 2021 йили дивиденд сифатида 10 миллион фунт олган. У Британияда норезидент мақоми остида солиқлардан қочишда айбланган.

Маълумот учун, Руши Сунак 42 ёшда бўлиб, у Саутгемптонда дунёга келган, ҳозирда Лондон ва Йоркширда истиқомат қилади. У Винчестер коллежи, Оксфорд ва Стенфорд университетларини тамомлаган, икки анфар қизи бор.

Сунакнинг асли ҳиндистонлик бўлган ота-онаси Буюк Британияга Шарқий Африкадан келган. Отаси терапевт, онаси эса дорихона юритувчиси бўлган.

2015 йилда Сунак Ричмонд шаҳри номидан Йоркширда парламент аъзосига айланиб, ҳукуматда Тереза Мэйнинг лавозимини эгаллаган. 2020 йил февралида молия вазирига айланган ва аввалида Жонсонни фаол қўллаб-қувватлаган, бироқ кейинчалик истеъфо бериб, иқтисодиёт борасидаги қарашлари бош вазирникидан кескин фарқ қилишини таъкидлаган.

Аввалроқ Буюк Британия бош вазири Лиз Трасс 45 кунлик бошқарувдан сўнг истеъфога чиққани, Борис Жонсон Британия бош вазирлиги учун курашдан нима учун воз кечгани тўғрисида хабар берилганди.

Ўзбекистонда 10 декабрь куни кузатиладиган об-ҳаво маълумоти эълон қилинди
Янгиликлар7:31 | 10.12.22
Ўзбекистонда 10 декабрь куни кузатиладиган об-ҳаво маълумоти эълон қилинди
Шам кўтарган Зеленский, туннелни тўсиб қўйган намойишчилар, олов ичидаги шайтон — 9 декабрь суратлари
Мақолалар2:17 | 10.12.22
Шам кўтарган Зеленский, туннелни тўсиб қўйган намойишчилар, олов ичидаги шайтон — 9 декабрь суратлари
Путин янги йил олдидан Санкт-Петербургда МДҲ норасмий саммити ўтказилишини тасдиқлади 
Янгиликлар23:27 | 9.12.22
Путин янги йил олдидан Санкт-Петербургда МДҲ норасмий саммити ўтказилишини тасдиқлади 
ЖЧ-2022. Хорватия Бразилияни сенсацион тарзда енгиб, ярим финалга йўл олди
Спорт22:59 | 9.12.22
ЖЧ-2022. Хорватия Бразилияни сенсацион тарзда енгиб, ярим финалга йўл олди
Оқ уй Украинага янги ҳарбий ёрдам пакетини эълон қилди
Янгиликлар22:45 | 9.12.22
Оқ уй Украинага янги ҳарбий ёрдам пакетини эълон қилди
Президент Администрацияси раҳбари бошчилигида аҳолини энергия ресурслари билан таъминлашга бағишланган йиғилиш бошланди
Янгиликлар22:00 | 9.12.22
Президент Администрацияси раҳбари бошчилигида аҳолини энергия ресурслари билан таъминлашга бағишланган йиғилиш бошланди