«Путиннинг урушда ғалаба қозонишига йўл қўя олмаймиз» — НАТО бош котиби

НАТО бош котиби Йенс Столтенберг альянс Владимир Путиннинг Украина устидан ғалаба қозонишига йўл қўя олмаслигини маълум қилди. Чунки бу дунёдаги барча авторитар раҳбарларга сигнал бўлади.

«Украинани қанча керак бўлса, шунча қўллаб-қувватлашга тайёрмиз. Президент Путин ғалаба қозонишига йўл қўя олмаймиз. Чунки бу каби ҳолатда Путин ўз мақсадига ҳарбий кучлар билан эришиш мумкин деган қарорга келади. Ва бу дарс нафақат у, балки дунёдаги барча авторитар етакчилар томонидан ўзлаштирилади», — дейди Столтенберг.

Шунингдек, унинг таъкидлашича, урушларнинг аксарияти музокаралар столида якунланади. Шу боис Украина урушни ўз шартлари бўйича тугатиши учун НАТО унга барча зарурий ҳарбий ёрдамни кўрсатишни давом эттиради.

Столтенберг украиналиклар эришган ҳарбий муваффақиятларга ҳам эътибор қаратган. Унинг айтишича, Россия армиясининг Украина шаҳарларига тартибсиз зарбалари Путин жанг майдонида мағлубиятга учраётганини англатади. НАТО бош котиби Россия президентининг «хавфли ядровий риторика»сини таъкидлаб, яна бир бор альянс Украина «ифлос бомба»ни қўллашга тайёрланаётгани тўғрисидаги Россиянинг айбловини мутлақо рад этган.

Аввалроқ Ғарб Украинани ўнлаб йиллар қўллаб-қувватлаш ниятида экани маълум қилинганди. Германия канцлери Олаф Шольц ва Еврокомиссия раҳбари Урсула фон дер Ляйен ғарб давлатларини Украинани қайта тиклаш учун «Маршалл режаси» муқобилини ишлаб чиқишга чақирганди.

Эслатиб ўтамиз, Октябрь бошларида Владимир Зеленский НАТО «ядровий ҳужумни кутмасдан» Россияга зарба бериш кераклигини таъкидлаганди. Шунингдек, НАТО бош котиби Украина билан урушда Россиянинг ғалабасига йўл қўйиб бўлмаслигини айтганди.

Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Янгиликлар11:21 | 28.1.23
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Янгиликлар18:42 | 27.1.23
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Янгиликлар16:38 | 27.1.23
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган
Янгиликлар14:20 | 27.1.23
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган