Давлат солиқ қўмитаси жойида тўловлар, QR-код орқали тўлов, Telegram каналларида тўлов — барча тўловларни фискаллаштиришни талаб қилди. Оқибатда аксарият сервислар онлайн тўлов қабул қилишни тўхтатди.

Bugun.uz ҳолат юзасидан иқтисодчи Исмоил Туропов билан боғланди ҳамда Payme’да жойида тўловлар, QR-код орқали тўлов, Payme GO, Telegram каналларидаги тўлов ва баъзи бошқа тўловлар нима сабабдан тўхтатиб қўйилгани юзасидан маълумот олди.

Иқтисодчининг таъкидлашича, мазкур ҳолат фақатгина Payme’да кузатилмаган, балки Click ва Apelsin жойида иловаларида ҳам юзага келган. Шунингдек, Исмоил Туропов Payme’нинг шошилинч равишда техник ишлар амалга оширилиши кераклиги ҳақидаги хабарларини ҳам изоҳлади.

«Ҳозир кузатилаётган тўлов ташкилотларининг муҳим функциялари ишламаётганидан иловаларга қараганда кўпроқ товар ва хизматларни етказиб берувчилар ютқазади», — дейди у.