ССВ Сурхондарёда шифокор калтакланиши бўйича муносабат билдирди

Сурхондарё вилояти Ангор туманидаги тиббиёт бирлашмасида уч нафар фуқаро шифокорни калтаклагани ҳақида хабар берилганди. Соғлиқни сақлаш вазирлиги ҳолат юзасидан муносабат билдирди.

Кадр: YouTube

Маълум қилинишича, 2022 йил 27 октябрь куни соат 15:20 ларда Ангор туман тиббиёт бирлашмасининг травматология бўлимида ит тишлаган беморни тиббий кўрикдан ўтказаётган шифокор Ж.Э.нинг олдига 3 нафар фуқаро саломатлиги тўғрисида маълумотнома ёзиб беришини сўраб келган.

Шифокор уларга қабулидаги беморга ёрдам кўрсатаётганини, маълумотномани эса шундан сўнг ёзиб беришини айтган. Бундан норози бўлган фуқаролар врач Ж.Э.ни дўппослаб, унга тан жароҳати етказган.

Ўтказилган тиббий текширувлар давомида шифокор Ж.Э.га бош мия ёпиқ жароҳати, оғиз пастки лаб юмшоқ тўқималари лат ейиши, ўнг сон юмшоқ тўқималари лат ейиши ва тери ости гематомаси, қорин бўшлиғи аъзолари лат ейиши, кучли қонталаш ташхиси қўйилган.

Ҳозирда тиббиёт ходимига нисбатан куч ишлатган фуқароларга нисбатан Ангор тумани ички ишлар бўлими томонидан терговга қадар дастлабки суриштирув ишлари олиб борилаётгани маълум қилинган.

Шунингдек, вазирлик хабарида 2019-2022 йиллар давомида Ўзбекистонда 290 га яқин ҳолатда тиббиёт ходимларига нисбатан турли шаклда тажовуз қилингани ва Олий Мажлис Қонунчилик палатасида тиббиёт ходимлари фаолиятига тўсқинлик қилганлик учун қатъий жавобгарлик белгилаш юзасидан қонун лойиҳаси кўриб чиқилаётгани эслатиб ўтилган.

Аввалроқ Сурхондарёда ҳамшира аёл фарзанди олдида калтакланганди. Кейинчалик буни амалга оширганлар уни фоҳишаликда айблагани маълум бўлганди. Шундан сўнг уларга нисбатан жиноят иши очилган. Шунингдек, Тошкентда фельдшер аёл беморнинг ўғли томонидан калтаклангани ҳақида хабар берилганди.

Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Янгиликлар18:42 | 27.1.23
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Янгиликлар16:38 | 27.1.23
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган
Янгиликлар14:20 | 27.1.23
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган
Жаҳонгир Ортиқхўжаевнинг депутатлик ваколати муддатидан олдин тўхтатилди
Янгиликлар13:59 | 27.1.23
Жаҳонгир Ортиқхўжаевнинг депутатлик ваколати муддатидан олдин тўхтатилди