Бродвейни кесиб ўтаётган улкан товуқлар, бошига аквариум кийган киши, Мексикадаги ўликлар куни — бугун суратлари

Бугуннинг энг сара суратларини эътиборингизга ҳавола этамиз.

Сайланган президент Луис Инациу Лула да Силва тарафдори Итабораи шаҳрида Болсонаронинг президентлик сайловлари иккинчи босқичидаги мағлубиятига қарши норозилик намойиши чоғида Бразилия президенти Жаир Болсонаро тарафдорлари олдида шиорлар билан ҳайқирмоқда .

Фото: Reuters

Бразилия байроғи кўтарган президент Жаир Болсонаро тарафдори Бразилиянинг Сан-Паулу чеккасида жойлашган Кастело Бранко трассасида блокада пайтида юк машиналари орасидан ўтмоқда.

Фото: AFP

Ликуд партияси етакчиси Бенямин Нетаняху Исроилнинг Қуддусдаги умумий сайловлари вақтида партия қароргоҳида ўз тарафдорлари олдида чиқиш қилмоқда.

Фото: Reuters

Исроилдаги яҳудийлар сўнгги тўрт йилда бешинчи бор ўтказилаётган сайловларда овоз бермоқда.

Фото: AP Photo

Хэллоуин байрамида Нью-Йоркнинг Таймс-сквер майдонидаги Бродвей кўчасидан ўтиб бораётган товуқ кийимидаги кишилар.

Фото: AFP/Getty Images

Франциянинг Сент-Мало шаҳридаги яккалик елканли қайиқлар мусобақаси бошланғич нуқтасида бошига аквариум кийган мухлис одамлар орасидан ўтмоқда.

Фото: AFP

Мексиканинг Мехико шаҳрида ўтказилаётган «Марҳумлар куни» карнавалидан суратлар. Мексикаликлар эътиқодига кўра, вафот этган одамларнинг руҳи ҳар йили 1 ноябрга ўтар кечаси бу дунёга қайтиб келади. Аҳоли шу кунни байрам сифатида нишонлайди.

Фото: Eyepix Group/Eyepix/Zuma/Rex/Shutterstock
Мехиконинг бош майдони Зокалодаги «Марҳумлар куни» фестивалида қатнашаётган одамлар.
Фото: Medios y Media/Getty Images
Фото: Rex/Shutterstock
Фото: Eyepix Group/Rex/Shutterstock

Пандемия туфайли икки йил ўтказилмаган Париждаги энг йирик ўйинлар ҳафталигида қатнашаётган иштирокчилар.

Фото: Getty Images

Буюк Британиянинг Кент ҳудудида Edinbridge Bonfire жамияти аъзолари томонидан яратилган Лиз Трасснинг масхараомуз ҳайкали.

Фото: PA 

Гватемаланинг Сантяго Сакатепекес шаҳрида барча азизлар кунини нишонлаш пайтида аҳоли улкан варракларни учирмоқда.

Фото: Reuters

Ҳиндистоннинг Жабалпур ҳудудидаги Нармада дарёси узра кўчманчи Сибир чайкалари учиб ўтаётган пайтда ибодат қилаётган диндор.

Фото: AFP/Getty Images

Хитойлик мутахассислар Тайпейдаги ҳайвонот боғида касал пандани кўздан кечирмоқда. Хитой ва Тайван ўртасидаги зиддиятларга қарамай камдан-кам ҳолларда шундай ҳамкорлик амалга оширилади.

Фото: AP Photo

Суриялик болалар Дамашқнинг жанубий чеккасидаги Ярмук қочқинлар лагерида вайрон бўлган бинолар орасида ўйнамоқда.

Фото: AFP/Getty Images

Афғонистоннинг Кобул шаҳрида жонглёрлик билан шуғулланаётган болалар.

Фото: EPA

Мисрнинг Қоҳира шаҳри шимолидаги Ал-Қалюбия вилояти Қаҳа шаҳридаги далада сув етишмаслиги ва ноқулай об-ҳаво шароити туфайли қийин кечган мавсумда гуруч ғарамини ташиётган аёл.

Фото: Reuters

Конго Демократик Республикасида ғазабланган аҳоли томонидан ёқиб юборилган БМТга тегишли машина олдида ўйнаётган болалар.

Фото: AFP/Getty Images

АҚШнинг Нью-Йорк шаҳрида Пол Тейлор рақс гуруҳи раққослари Линколн марказининг Девид Кох театрида репетиция қилмоқда.

Фото: EPA

Хитойлик бадиий гимнастикачи қиз Буюк Британиянинг Ливерпул шаҳридаги халқаро мусобақада қатнашмоқда.

Фото: Reuters

«Ливерпул» футболчиси Дарвин Нуньез «Наполи»га қарши ўйинда Муҳаммад Салоҳ билан иккинчи голни нишонламоқда.

Фото: Reuters
Цирк томоша қилаётган папа, қумга кўмилиб олган киши, бўш қоғоз кўтариб, намойишга чиққан хитойликлар — 30 ноябрь суратлари
Мақолалар2:07 | 1.12.22
Цирк томоша қилаётган папа, қумга кўмилиб олган киши, бўш қоғоз кўтариб, намойишга чиққан хитойликлар — 30 ноябрь суратлари
Ўзбекистон ТИВ Афғонистондаги террорчилик акти юзасидан баёнот берди
Янгиликлар23:51 | 30.11.22
Ўзбекистон ТИВ Афғонистондаги террорчилик акти юзасидан баёнот берди
Сирдарёда «Жигули» ҳайдовчиси итни ўлдириб, калласини машинага ёпиштириб ҳаракатлангани айтилди
Янгиликлар23:08 | 30.11.22
Сирдарёда «Жигули» ҳайдовчиси итни ўлдириб, калласини машинага ёпиштириб ҳаракатлангани айтилди
Футбол бўйича 2030 йилги жаҳон чемпионати учта қитъада ўтказилиши мумкин
Спорт22:42 | 30.11.22
Футбол бўйича 2030 йилги жаҳон чемпионати учта қитъада ўтказилиши мумкин
Туркманистон пойтахтида «чиройли» рақамларни автомобиллардан олиб ташлаш буюрилди
Янгиликлар22:02 | 30.11.22
Туркманистон пойтахтида «чиройли» рақамларни автомобиллардан олиб ташлаш буюрилди
Ўзбекистонда ерларни аукционга чиқариш соддалаштирилади
Янгиликлар21:23 | 30.11.22
Ўзбекистонда ерларни аукционга чиқариш соддалаштирилади