Шимолий Корея Япония томон қитъалараро баллистик ракета учирди

Шимолий Корея Япония томон учирган қитъалараро баллистик ракетаси муваффақиятсизликка учради. Бу ҳақда Meduza хабар берди.

Қайд этилишича, 3 ноябрь куни маҳаллий вақт билан тахминан соат 07:40 да Пхеньяндаги Сунан ҳудудидан қитъалараро баллистик ракета учирилган. У тахминан 760 километр масофани босиб ўтган ва парвознинг максимал баландлиги 1920 километрни ташкил этган. Ракета Япония денгизига қулаб тушган.

Япония расмийлари дастлаб ракета мамлакат ҳудуди устидан учиб ўтганини айтган, бироқ кейинроқ бу содир бўлмаганига аниқлик киритган.

Бу мамлакатнинг 2022 йилда учирган еттинчи, май ойи охиридан бери биринчиси қитъалараро баллистик ракетаси бўлган. Жанубий Корея ва Қўшма Штатлар маълумотларига кўра, Шимолий Корея бу йил бир нечта муваффақиятсиз ICBM синовларини ўтказган.

Шунингдек, Жанубий Корея ҳарбийлари Шимолий Корея 3 ноябрь куни эрталаб соат 08:39 да Жанубий Пхёнан вилоятидаги Кечеондан иккита қисқа масофага учувчи баллистик ракета учиргани ҳақида хабар берган. Улар тахминан 70 километр баландликка кўтарилган ва парвоз масофаси эса 330 километрни ташкил этган.

2 ноябрь куни Шимолий Корея 20 га яқин ракета, жумладан, баллистик ракеталар ва 100 га яқин артиллерия снарядларини учирган. Расмий Сеулга кўра, Шимолий Корея 70 йил ичида биринчи марта Жанубий Кореянинг денгиз чегараси орқали ракета учирган.

Аввалроқ Жанубий Корея Руминияга қурол ва ядро реакторлари етказиб бериши ва Жанубий Корея ва АҚШ КХДР синовларига жавобан ракеталар учиргани маълум қилинганди. Шунингдек, август охирларида АҚШ ва Жанубий Корея КХДР чегараси яқинида ҳарбий машғулотлар бошлаганди.

Ўзбекистонда ИИВ ходимлари кучайтирилган хизмат тартибига ўтказилди
Янгиликлар11:32 | 6.12.22
Ўзбекистонда ИИВ ходимлари кучайтирилган хизмат тартибига ўтказилди
Шавкат Мирзиёев Қирғизистон президентини туғилган куни билан табриклади
Янгиликлар11:09 | 6.12.22
Шавкат Мирзиёев Қирғизистон президентини туғилган куни билан табриклади
Ўзбекистон ва Қирғизистон паспорт назоратини осонлаштиради
Янгиликлар10:40 | 6.12.22
Ўзбекистон ва Қирғизистон паспорт назоратини осонлаштиради
Самарқандда ўқувчи қизнинг кўзи жароҳатланиши ортидан мактаб директори ва унинг ўринбосари ишдан олинди
Янгиликлар10:07 | 6.12.22
Самарқандда ўқувчи қизнинг кўзи жароҳатланиши ортидан мактаб директори ва унинг ўринбосари ишдан олинди
Фарғонада профилактика инспектори ўзини отиб қўйди
Янгиликлар9:30 | 6.12.22
Фарғонада профилактика инспектори ўзини отиб қўйди
Тошкентдаги квартиралардан бирида содир бўлган ёнғинда 2 киши ҳалок бўлди — видео
Янгиликлар9:06 | 6.12.22
Тошкентдаги квартиралардан бирида содир бўлган ёнғинда 2 киши ҳалок бўлди — видео