АҚШ Украина музокараларни Херсонни эгаллаб бўлгач бошлаши керак деб ҳисоблайди — La Repubblica

АҚШ ва НАТО расмийлари Россия билан музокараларни Украина армияси рус қўшинлари томонидан босиб олинган Херсонни озод қилганидан кейин бошлаш керак деб ҳисобламоқда. Бу ҳақда La Repubblica хабар берди.

Маълум қилинишича, НАТОнинг Брюсселдаги қароргоҳида очиқланган сўнгги таҳлилга кўра, Россиянинг Херсондаги мағлубияти ҳарбий, сиёсий ва дипломатик нуқтаи назардан муҳим ва Москва билан биринчи ҳақиқий музокараларни бошлаш имкониятини беради.

Ноябрь ойи бошида Американинг The Washington Post газетаси АҚШ президенти маъмурияти Украина ҳукуматидан Украинани қўллаб-қувватлаётган мамлакатлар аҳолисини хавотирга солмаслик учун Киев Москва билан музокараларга тайёр эканлигини очиқ намойиш қилишни сўрагани ҳақида хабар берган эди.‌‌

Октябрь ойида Украина президенти Владимир Зеленский «Россия президенти Владимир Путин билан музокара ўтказиш мумкин эмаслиги» ҳақидаги фармонни имзолаган эди. Бу Россия Украинанинг ДХР, ЛХР, Донецк ва Луганск ҳудудларини «референдум»лар воситасида ўзига қўшиб олганидан сўнг амалга оширилганди. Бундан олдин Зеленский агар ҳудудлар аннекция қилинса, Украина Россия билан ҳар қандай музокарадан бош тортиши ҳақида огоҳлантирган эди.

Россия вакиллари 2022 йил баҳорида (Бучада тинч аҳоли ўлдирилганидан кейин) узилиб қолган Украина билан музокараларни қайта бошлашга тайёр эканликларини бир неча бор маълум қилган. Маълумотларга кўра, Россия расмийлари 2023 йилнинг февраль-март ойларида янги ҳужумга тайёргарлик кўриш учун вақтдан ютиш мақсадида Украина билан тўлақонли тинчлик шартномасини эмас, балки вақтинчалик ўт очишни тўхтатиш бўйича келишмоқчи.‌‌

Эслатиб ўтамиз, Донбасс республикалари, шунингдек, Россия назорати остида бўлган Херсон ва Запорожье вилоятлари ҳудудлари 19 сентябрь куни Россия таркибига қўшилиш бўйича референдум ўтказиш ниятида эканини маълум қилганди. 21 сентябрь куни Владимир Путин Россия ушбу ҳудудлар аҳолиси маъқуллаган қарорни» қўллаб-қувватлашини эълон қилган. «Катта еттилик» давлатлари Кремль референдумлари ва сафарбарликни қоралаган. АҚШ президенти Жо Байден эса ДХР, ЛХР, Херсон ва Запорожьедаги референдумлар сабаб Россияга санкциялар ваъда қилган.

Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Янгиликлар18:42 | 27.1.23
Human.uz нашри раҳбарияти «орган ходимлари» томонидан қўлга олиниши юзасидан қўшимча маълумот берилди
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Янгиликлар16:38 | 27.1.23
Human.uz нашри раҳбарияти «орган ходимлари» томонидан қўлга олинди. Улар товламачиликда гумонланмоқда
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган
Янгиликлар14:20 | 27.1.23
Тошкентда бир йилда ЙТҲ оқибатида ҳалок бўлганлар сони 136 нафарни ташкил этган
Жаҳонгир Ортиқхўжаевнинг депутатлик ваколати муддатидан олдин тўхтатилди
Янгиликлар13:59 | 27.1.23
Жаҳонгир Ортиқхўжаевнинг депутатлик ваколати муддатидан олдин тўхтатилди