Тошкент шаҳрида эркак хотинини аёвсиз калтаклаб, ертўлада сақлаб келгани ҳақида хабар берилганди. Ушбу ҳуқуқбузарликни содир этганликда гумонланиб, қамалган фуқаро қўйиб юборилгани ҳақида тарқалган хабарларга шаҳар Ички ишлар бош бошқармаси расмий муносабат билдирди.

Қайд этилишича, жиноят ишини тергов қилиш жараёнида Д.Д.нинг адвокати томонидан илтимоснома киритилиб, унда Д.Д.нинг қарамоғида уч нафар вояга етмаган фарзанди, қари ота-онаси борлигини ва оилада ягона боқувчи эканлигини инобатга олиб қамоққа олиш эҳтиёт чорасини енгилроқ эҳтиёт чорасига ўзгартиришни сўраган. Д.Д.га нисбатан қўлланилган қамоққа олиш эҳтиёт чораси уй қамоғига ўзгартирилган.

Ҳозирда тергов ҳаракатлари давом эттирилаётгани ва томонларнинг билдирган барча важлари тўлиқ текширилиб, натижаси бўйича қонуний қарор қабул қилиниши таъминланиши маълум қилинган.