«Амирсой»да электр энергиясида узилиш бўлди. Бунинг оқибатида эса дор йўли тўхтаб қолди. Энергетика вазирлиги матбуот хизмати ушбу ҳолатга муносабат билдирди.

Маълум қилинишича, дам олиш масканида электр энергияси ўчмаган, аксинча «Амирсой»га қарашли электр қурилмада носозлик юзага келган ва дор йўлининг тўхташига сабаб бўлган. Шунингдек, ҳудудий электр тармоқлари корхонаси томонидан электр энергияси узлуксиз етказиб берилган.

Олинган маълумотларга кўра, ҳозирги пайтда ушбу носозлик оромгоҳ масъуллари томонидан бартараф этилиб, дор йўли қайта ишга қўйилган.