Дунё аҳолиси 15 ноябрь куни 8 миллиардга етади
БМТ маълумотларига кўра, 2022 йилнинг 15 ноябрига қадар Ер сайёрасидаги одамлар сони 8 миллиардга етиши мумкин.
БМТнинг прогнозларига кўра, 2050 йилга бориб Ер юзида 9,7 миллиард киши, 2100 йилга келиб 10,4 миллиард киши яшайди. Шу билан бирга, аҳолининг ўсиши аста-секин секинлашади. Ер шари аҳолисининг ушбу маррага яқинлашганини Worldometers.info статистик веб-сайтидаги онлайн ҳисоблагич ҳам тасдиқлайди. Бу ҳақда материал эълон қилинган пайтда аҳоли сони 7,999 миллиард кишидан ошди.
Қайд этилишича, 2022 йил ҳолатига кўра, Ер аҳолисининг ярми дунёнинг еттита давлатида истиқомат қилади. Шунингдек, 2023 йилнинг ўзидаёқ Ҳиндистон аҳолиси энг кўп бўлган мамлакат сифатида Хитойдан ўтиб кетади.
БМТ прогнозларига кўра, 2050 йилга келиб аҳоли умумий ўсишининг ярмидан кўпи қуйидаги саккизта давлатга тўғри келади:
- Ҳиндистон;
- Миср;
- Покистон;
- Конго Демократик Республикаси;
- Эфиопия;
- Нигерия;
- Филиппин;
- Танзания.
Дунё минтақалари орасида Саҳрои Кабир ва Жанубий Африка энг катта ўсишни кўрсатади. Бу минтақа аҳолиси 2022-2050 йилларда икки баробарга ортади. Европа ва Шимолий Америкада аҳоли сонининг ўсиши 2030 йилларнинг иккинчи ярмида туғилишнинг паст даражаси шароитида қисқаришга олиб келади. Шу билан бирга, Россияда демографик кўрсаткичларнинг қисқаради. Келтирилишича, Россия 2050 йилга бориб бу кўрсаткич бўйича етакчи 10 та давлат қаторидан чиқиб кетади.
Бундан ташқари туғилишнинг пасайиши билан бир қаторда, кейинги ўн йилликда глобал миқёсдаги бошқа муҳим демографик тенденциялар ўртача умр кўриш давомийлигининг ошиши ва кекса аҳоли улушининг ортиши кузатилади.
Аввалроқ Ўзбекистонда доимий аҳоли сони ҳар куни ўртача 2 минг кишига ошаётгани хабар қилинганди.
