Бухорода электр таъминоти кунига 8 соатгача ўчирилиши мумкин

Бухорода электр тармоқлари кунига 8 соатгача ўчирилиши мумкинлиги тўғрисида хабар берилганди. «Бухоро ҳудудий электр тармоқлари корхонаси» режали ўчирилиш тўғрисидаги мазкур хабарларга муносабат билдирди.

Фото: «Bugun.uz»

Қайд этилишича, электр энергиясини ишлаб чиқариш ва уни истеъмол қилиш бир вақтга тўғри келади. Шунинг учун электр энергияси захирасини яратиш имконсиз. Шу сабабли энерго тизимда ёқилғи ва қувват танқислиги юзага келган вақтларда электр энергияси балансини таъминлаш ҳамда энергетика тизимида оғир оқибатли йирик фавқулотда аварияли ҳолатларни юзага келишини олдини олиш мақсадида ҳудудларда эҳтимолий чеклов графиклари шакллантирилган.

Фото: Telegram / @Bugunuzlive

«Таъкидлаш жоизки, бундай чеклов графикларига фақатгина зарурий ҳолларда, тизимда қувват танқислиги кузатилган вақтлардагина амал қилинади. Тизим меъёрий ҳолатга келган вақтларда чеклов графиги қўлланилмайди ва электр энергиясини узлуксиз равишда етказиб берилиши таъминланади», дейилади муносабатда.

Электр тармоқлари корхонаси истеъмолчиларидан ушбу вазиятни тўғри тушунишни, тармоқларда юзага келиши мумкин бўлган йирик аварияларни олдини олиш ҳамда энергия ресурслари барқарорлигини таъминлаш мақсадида имкон қадар ушбу ресурслардан оқилона, тежамкорлик билан фойдаланишни сўраган.

Аввалроқ Фарғона водийсининг айрим ҳудудларида электр таъминотига чекловлар киритилаётгани, Тошкентда баъзи ҳудудлар электр энергияси таъминотидан вақтинча узилгани ҳақида хабар берилганди. Шунингдек, Қорақалпоғистоннинг бир қатор туманларидаги айрим ҳудудларда электр узатиш линияларидаги таъмирлаш ишлари сабаб 31 октябрь куни электр узатиш вақтинча тўхтатилганди.

Ўзбекистонда кирилл ёки лотин алифбосига тўлиқ ўтишга нима халақит бермоқда?
Медиа, Янгиликлар12:54 | 27.11.22
Ўзбекистонда кирилл ёки лотин алифбосига тўлиқ ўтишга нима халақит бермоқда?
Ўзбекистонда коронавирусга чалинишлар сони яна ошди
Янгиликлар11:27 | 27.11.22
Ўзбекистонда коронавирусга чалинишлар сони яна ошди
Андижондаги ЙТҲ юзасидан қўшимча маълумот берилди
Медиа, Янгиликлар10:46 | 27.11.22
Андижондаги ЙТҲ юзасидан қўшимча маълумот берилди
Баҳодир Жалолов америкалик рақибини 4-раундда нокаутга учратиб, ғалаба қозонди
Медиа, Спорт9:23 | 27.11.22
Баҳодир Жалолов америкалик рақибини 4-раундда нокаутга учратиб, ғалаба қозонди
Фарғонада аёл ИИБ биноси олдида ўзини ёқмоқчи бўлди
Янгиликлар9:02 | 27.11.22
Фарғонада аёл ИИБ биноси олдида ўзини ёқмоқчи бўлди
Кўп миқдорда газланган ичимликларни истеъмол қилиш мия шикастланишига олиб келиши аниқланди
Янгиликлар8:14 | 27.11.22
Кўп миқдорда газланган ичимликларни истеъмол қилиш мия шикастланишига олиб келиши аниқланди