«Ипак йўли» халқаро туризм ва маданий мерос университети Хитой университети билан ҳамкорлик қилади

«Ипак йўли» халқаро туризм ва маданий мерос университети ҳамда Хитойнинг «North-West» университети ўртасида меморандум имзоланди. Бу ҳақда Туризм ва маданий мерос вазирлиги ахборот хизмати хабар берди.

Фото: Туризм ва маданий мерос вазирлиги

Маълум қилинишича, Самарқанд шаҳридаги «Ипак йўли» халқаро туризм ва маданий мерос университети ҳамда Хитойнинг «North-West» университети ўртасида ҳамкорлик меморандуми имзоланди. Ҳужжатда ўзаро ҳамкорликни ривожлантириш, Хитой ва Ўзбекистон университетлари талабалари ва ўқитувчиларининг тўсиқсиз ҳаракатланиши учун академик кўприк ўрнатиш мақсад қилинган.

Ўзбекистон томондан меморандумни имзолаган Бош вазир ўринбосари – Туризм ва маданий мерос вазири, «Ипак йўли» халқаро туризм ва маданий мерос университети ректори Азиз Абдуҳакимов «North-West» университети президенти жаноб Гуо Лихонга ўз миннатдорчилигини билдириб, икки университет ўртасидаги ҳамкорликни юксак қадрлашини таъкидлади.

Фото: Туризм ва маданий мерос вазирлиги

«North-West» университетининг 120 йиллик юбилейи доирасида имзоланган мазкур ҳужжат «Хитой – Ўзбекистон археология ва маданий меросни муҳофаза қилиш илмий-техникавий халқаро қўшма лабораторияси»ни ташкил этишга йўналтирилган.

Фото: Туризм ва маданий мерос вазирлиги

Таъкидланишича, Хитой – Ўзбекистон археология ва маданий меросни муҳофаза қилиш илмий-техникавий халқаро қўшма лабораторияси «Хитой ва Марказий Осиёнинг инсон ресурслари ва атроф-муҳитни ўрганиш бўйича қўшма илмий лабораторияси»нинг муҳим таркибий қисми ҳисобланади. Хитой илмий-технология вазирлиги бу илмий тадқиқотлар, иқтидорли талабаларни тайёрлаш ва маданий алмашинув бўйича етакчи халқаро марказ ҳисобланади.

Фото: Туризм ва маданий мерос вазирлиги

Эслатиб ўтамиз, аввалроқ «Ипак йўли» университетида Ўзбекистон—Исроил академик форуми ўтказилганди. Шунингдек, ушбу муассаса Япония университети билан ҳамкорлик қилиши ҳақида хабар берилганди.

Цирк томоша қилаётган папа, қумга кўмилиб олган киши, бўш қоғоз кўтариб, намойишга чиққан хитойликлар — 30 ноябрь суратлари
Мақолалар2:07 | 1.12.22
Цирк томоша қилаётган папа, қумга кўмилиб олган киши, бўш қоғоз кўтариб, намойишга чиққан хитойликлар — 30 ноябрь суратлари
Ўзбекистон ТИВ Афғонистондаги террорчилик акти юзасидан баёнот берди
Янгиликлар23:51 | 30.11.22
Ўзбекистон ТИВ Афғонистондаги террорчилик акти юзасидан баёнот берди
Сирдарёда «Жигули» ҳайдовчиси итни ўлдириб, калласини машинага ёпиштириб ҳаракатлангани айтилди
Янгиликлар23:08 | 30.11.22
Сирдарёда «Жигули» ҳайдовчиси итни ўлдириб, калласини машинага ёпиштириб ҳаракатлангани айтилди
Футбол бўйича 2030 йилги жаҳон чемпионати учта қитъада ўтказилиши мумкин
Спорт22:42 | 30.11.22
Футбол бўйича 2030 йилги жаҳон чемпионати учта қитъада ўтказилиши мумкин
Туркманистон пойтахтида «чиройли» рақамларни автомобиллардан олиб ташлаш буюрилди
Янгиликлар22:02 | 30.11.22
Туркманистон пойтахтида «чиройли» рақамларни автомобиллардан олиб ташлаш буюрилди
Ўзбекистонда ерларни аукционга чиқариш соддалаштирилади
Янгиликлар21:23 | 30.11.22
Ўзбекистонда ерларни аукционга чиқариш соддалаштирилади