Ўзбекистондаги банклар 2022 йилнинг январь-сентябрь ойларида фуқаролардан қарийб 9 миллиард долларлик хорижий валюта сотиб олди. Бу ҳақда Марказий Банкнинг статистик бюллетенида хабар берилган. 

Ўзбекистондаги банклар 2022 йилнинг январь-сентябрь ойларида жисмоний шахслардан 8,96 миллиард долларлик чет эл валютаси сотиб олди. Бу кўрсаткич 2021 йилнинг мос даври билан солиштирилганда 57 фоизга (5,1 миллиард доллар) кўпдир.

Қайд этилишича, тўққиз ой давомида сотиб олинган чет эл валютасининг энг катта миқдори жисмоний шахслардан июнь ойида – 1,3 миллиард доллар, энг кам миқдор эса январда (464,2 миллион доллар) харид қилинган.

Шунингдек, тижорат банклари томонидан жисмоний шахсларга сотилган чет эл валютасининг миқдори 2022 йилнинг ўтган 9 ойи давомида 6,4 миллиард долларни ташкил этган.

Аввалроқ Ўзбекистон олтин захираларини оширгани ҳақида хабар берилганди.