Ўзбекистонда 18 ноябрь куни 92 кишида коронавирус тасдиқланди, деб хабар беради Соғлиқни сақлаш вазирлиги матбуот хизмати.

Қайд этилишича, ўтган бир сутка ичида Тошкент шаҳрининг ўзида 71 кишида коронавирус аниқланган. Шунингдек:

• 3 нафари Бухоро вилоятида,
• 1 нафари Қашқадарё вилоятида,
• 2 нафари Наманган вилоятида,
• 2 нафари Самарқанд вилоятида,
• 1 нафари Сурхондарё вилоятида,
• 2 нафари Хоразм вилоятида,
• 10 нафари Тошкент вилоятида коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.

ССВ маълумотларга кўра, мамлакатда коронавирус билан кунлик касалланишлар сони ортмоқда: 17 ноябрда 69 киши, 16 ноябрда 61 кишида, 15 ноябрда 48 кишида, 14 ноябрда 21 кишида касаллик аниқланган. Санитария-эпидемиология хизматининг маълум қилишича, 17 ноябрь куни республика бўйлаб коронавирусга қарши 60 959 доза вакцина қўлланган.

Аввалроқ Ўзбекистонда коронавирусга қарши иккинчи авлод вакцинасининг клиник синовлари бошлангани тўғрисида хабар берилганди.