Самарқанддаги гидлар норозилиги бўйича муносабат билдирилди

Ижтимоий тармоқларда 2022 йилнинг сентябрь ойида Самарқанд шаҳрида бўлиб ўтган ШҲТ саммитида таржимонлик қилган гидларга икки ойдан бери хизмат ҳақлари тўлаб берилмаётгани ҳақида хабарлар тарқалди. Туризм ва маданий мерос вазирлиги бунга расмий муносабат билдирди.

Фото: Самарқанд вилояти ҳокимлиги

Қайд этилишича, Самарқанд саммитига учта тоифадаги гидлар жалб қилиниб, улар талабалар, Маданий мерос агентлигида фаолият олиб борувчи ва мустақил гидлардан иборат.

Биринчи тоифада тадбирга Самарқанд давлат университети, Ипак йўли халқаро туризм ва маданий мерос университети ҳамда Чет тиллар университети талабалари кўнгилли (волонтёр) сифатида жалб этилган.

Иккинчи тоифага кирувчи Маданий мерос агентлигида ишловчи гидларнинг фаолият доирасидан ва ойлик иш ҳақи олишидан келиб чиқиб, уларга қўшимча тўловлар кўзда тутилмаган.

Учинчи тоифа — мустақил профессионал гидларга эса 500 минг сўмдан тўлов амалга оширилаётгани маълум қилинган.

Вазирлик муносабатида 2019 йил 2 декабрдаги ЎРҚ-585-сонли қонуннинг 3-моддасига кўра, волонтёрлик фаолияти — жисмоний ёки юридик шахсларнинг манфаатларини кўзлаб бепул асосда амалга ошириладиган, эркин хоҳиш-иродага кўра бажариладиган, ижтимоий жиҳатдан йўналтирилган, жамоат учун фойдали бўлган ихтиёрий фаолият ҳисобланиши ва шу қонуннинг 5-моддасига мувофиқ, волонтёрлик фаолиятининг асосий омиллари волонтёрлик фаолияти қонунийлик, инсонпарварлик, тенглик, ихтиёрийлик, беғаразлик принципларига асосланиши эслатиб ўтилган.

Мустақил гидларга эса улар тақдим этган маълумотлар ҳамда уларнинг тўлиқлигига асосан хизмат пули тўлаб берилаётгани айтилган.

Тайёргарлик билан боғлиқ тегишли ҳужжатларга кўра, ШҲТ саммитида барча гидлар 3 кун давомида транспорт, овқатланиш ва махсус кийим (эркакларга — костюм шим ва пойафзал, аёлларга — тўлиқ уст-бош ва туфли) билан таъминланган.

Шунингдек, 21 ноябрь куни Самарқанд вилояти ҳокими ўринбосари Рустам Қобилов томонидан Самарқанд давлат чет тиллар институтида тушунтириш ишлари олиб борилган. Унда талабалар «давлат раҳбарлари иштирокидаги халқаро саммитда қатнашиш улар учун катта тажриба бўлгани», «тадбирдан олдин уларга ташкилий жараёнлар билан боғлиқ барча зарур маълумотлар берилгани» ва «улар ҳеч қандай тўлов кутмаётганликлари»ни билдиришган.

«Бугун мақолада келтирилган айрим деталларни аниқлаштириш учун саммит тадбирларида қатнашган Самарқанд давлат чет тиллар институти ўқитувчилари, магистрантлари ва талабалари билан учрашдик. Институт талабалари тегишли сертификатга эга бўлмай туриб, ушбу халқаро тадбирда қатнашиш ва ШҲТ мамлакатлари президентлари билан мулоқот қилиш ва суратга тушиш бахтига муяссар бўлганликларининг ўзиёқ улар учун шараф экани ва бу тадбир талабалар учун муҳим амалиёт бўлганини таъкидлашди.

Қолаверса, халқаро тадбир муваффақиятли ўтганлиги ва унда СамДЧТИ жамоаси ва талабалари фаол иштирок этганлари учун уларга ташаккурномалар берилган», — дейди Қобилов.

«Шу ўринда қайд этиш лозимки, Самарқанд давлат университети, Ипак йўли халқаро туризм ва маданий мерос университети ҳамда Самарқанд давлат чет тиллар институти талабаларининг аксарияти ўз ташаббуси билан ушбу саммитда иштирок этиш истагини билдирганликлари ва ватанпарварлик ҳиссини намойин этганликлари алоҳида таҳсинга сазовордир», дейилади вазирлик ахборот хизмати хабарида.

Эслатиб ўтамиз, аввалроқ депутат Бобур Бекмуродов Қашқадарёда гид-таржимонлар етарли эмаслигини таъкидлаб, вилоят туризм фаолиятини танқид қилганди. Шунингдек, Тошкентда Бутунжаҳон гид ва экскурсиячилар куни муносабати билан IV гидлар форуми ўтказилганди.

Малайзияда ўзбек ресторанлари ва бошқа овқатланиш шохобчалари очилади
Янгиликлар21:12 | 5.2.23
Малайзияда ўзбек ресторанлари ва бошқа овқатланиш шохобчалари очилади
Ўзбекистон ТИВда Исроил элчиси билан учрашув бўлиб ўтди
Янгиликлар20:43 | 5.2.23
Ўзбекистон ТИВда Исроил элчиси билан учрашув бўлиб ўтди
Намангандан Қорахонийлар даврига оид деворий суратлар, тангалар ва Дамашқ қиличлари топилди
Янгиликлар20:18 | 5.2.23
Намангандан Қорахонийлар даврига оид деворий суратлар, тангалар ва Дамашқ қиличлари топилди
Хитой Ўзбекистонда «яшил» энергия ишлаб чиқаришда иштирок этади
Янгиликлар19:48 | 5.2.23
Хитой Ўзбекистонда «яшил» энергия ишлаб чиқаришда иштирок этади
Сирдарёда ноқонуний тарзда ёввойи тўнғиз овланди
Янгиликлар19:17 | 5.2.23
Сирдарёда ноқонуний тарзда ёввойи тўнғиз овланди
Ўзбекистонда ҳафта ўртасига бориб ҳарорат 20 даражагача исийди
Янгиликлар18:44 | 5.2.23
Ўзбекистонда ҳафта ўртасига бориб ҳарорат 20 даражагача исийди

Муҳим хабарлар

Эксклюзив: телефонидан диний қўшиқ топилган 21 ёшли йигит қамоқда калтакланганми?

10:02 · 05.02.2023

Тошкент вилоятида қурилиш крани қулаши оқибатида машинист вафот этди — видео

20:51 · 04.02.2023

Киев Грузияни Саакашвилининг «устидан кулишни» тўхтатишга чақирди

20:31 · 04.02.2023

«Украина ҳарбийларига қурол етказиб бериш ва уларни тайёрлашда ‘вақт билан пойга’ кетмоқда» — NYT

19:57 · 04.02.2023

Ўзбекистонда 5 февраль куни ҳарорат 15 даражагача илийди

17:59 · 04.02.2023

«Болаларга жинсий зўравонлик қилганларга энг оғир жазо тури қўлланилиши керак» — Алия Юнусова

17:24 · 04.02.2023

Бухородаги ўқув марказида болаларга ноқонуний диний таълим бериб келигани аниқланди

15:25 · 04.02.2023

Bloomberg ўз платформалари орқали Ўзбекистоннинг бизнес ҳамда сайёҳлик салоҳиятини тарғиб қилмоқчи

14:17 · 04.02.2023

Туркманистон Ўзбекистонга бепул суюлтирилган газ етказиб беради

14:00 · 04.02.2023

Ўзбекистондаги айрим дорихоналарда Quramax’нинг тақиқланган дорилари ҳамон сотилаётгани аниқланди

13:09 · 04.02.2023