Тошкентдаги кўча чироқларини ўчириш бошлангач қанча электр энергияси тежалаётгани маълум қилинди

«Тошшаҳарнур» пойтахт кўчаларидаги ёритиш чироқлари ва рекламалар ўчирилганидан кейин қанча электр энергияси тежалганини маълум қилди.

Фото: «Bugun.uz»

Ўзбекистонда 16 ноябрдан бошлаб электр энергияси тақчиллиги сабаб шаҳарларда кечаси реклама мониторлари ва кўчаларни ёритиш чироқлари ўчирилмоқда. Маълумотларга кўра, бунинг ёрдамида Тошкентда кунлик электр энергияси сарфи 25 фоизга камайган. Хусусан, октябрь ойида ўртача кунлик истеъмол 115,9 минг кВт/соатни ташкил этган бўлса, ҳозирги кунда бу 87,8 минг кВт/соатни ташкил этмоқда.

Маълумот учун Тошкент шаҳри истеъмолчиларининг ўртача кунлик электр энергияси истеъмоли тахминан 25,7 миллион кВт/соатга тенг. Кўча ёритиш тармоқлари кунига ўртача 111,1 минг кВт/соат электр энергиясини истеъмол қилади. Бу эса умумий электр энергияси сарфининг 0,4 фоизини ташкил қилади.

«Тошшаҳарнур»га кўра, ҳозирги вақтда Тошкент шаҳридаги ёритгичлар умумий сони 140 мингга яқин бўлиб, уларнинг ўртача йиллик истеъмоли 40 миллион кВт/соатга тенг.

Аввалроқ Бухорода электр таъминоти кунига 8 соатгача ўчирилиши мумкинлиги, Фарғона водийсининг айрим ҳудудларида электр таъминотига чекловлар киритилаётгани, Тошкентда баъзи ҳудудлар электр энергияси таъминотидан вақтинча узилгани ҳақида хабар берилганди. Шунингдек, Қорақалпоғистоннинг бир қатор туманларидаги айрим ҳудудларда электр узатиш линияларидаги таъмирлаш ишлари сабаб 31 октябрь куни электр узатиш вақтинча тўхтатилганди.

Ўзбекистонда ерларни аукционга чиқариш соддалаштирилади
Янгиликлар21:23 | 30.11.22
Ўзбекистонда ерларни аукционга чиқариш соддалаштирилади
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Мақолалар21:00 | 30.11.22
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Пеле касалхонага ётқизилди
Спорт20:38 | 30.11.22
Пеле касалхонага ётқизилди
Россияда террористларни молиялаштирганликда айбланган Ўзбекистон фуқароси 16 йилга қамалди
Янгиликлар20:11 | 30.11.22
Россияда террористларни молиялаштирганликда айбланган Ўзбекистон фуқароси 16 йилга қамалди
НАТО бош котиби Украинада тинчликни таъминлашнинг «ягона йўли» ҳақида гапирди
Янгиликлар19:20 | 30.11.22
НАТО бош котиби Украинада тинчликни таъминлашнинг «ягона йўли» ҳақида гапирди
Ўзбекистонда коронавируснинг қайси штамми кенг тарқалаётгани маълум қилинди
Янгиликлар18:54 | 30.11.22
Ўзбекистонда коронавируснинг қайси штамми кенг тарқалаётгани маълум қилинди