Тошкентдаги хусусий мактаблардан бирининг ўқитувчиси дарс давомида ўқувчиларни ураётгани тасвирланган видео тарқалди.

Ижтимоий тармоқларда тарқалган видеодан кўриш мумкинки, эркак ўқитувчи ўқувчиларнинг қўлидан ушлаб, уларнинг гарданига урмоқда, қулоқларини тортяпти ва қўлини қайирмоқда.

Аввалроқ Бандихон туманида ўқитувчи дарсга тайёрланмаган ўқувчини калтаклагани тўғрисида хабар берганди. Шунингдек, Андижон вилояти Асака туманида ўқитувчи кетма-кет икки кун дарсдан қочиб кетиши ва дарс жараёнларига қатнашмаётгани сабаб  ўқувчи қизни калтаклаганди.