Тошкентда опа-сингиллар топиб олган пластик картасидан қарийб 60 млн сўм ечиб олди

Тошкентда опа-сингиллар топиб олган пластик картасидан паролни таваккал териш орқали 58 миллиондан ортиқ пулни ечиб олди. Бу ҳақда Ички ишлар вазирлиги ҳузуридаги Тергов департаменти хабар берди.

Маълум қилинишича, Тошкент шаҳри Юнусобод туманида яшовчи 21 ёшли фуқаро 8 ноябрь куни туман ИИО ФМБ бошлиғи номига ариза билан мурожаат қилиб, ўз аризасида, 2022 йилнинг 7 ноябрь куни унга тегишли бўлган пластик картасидан 58 миллион 984 минг сўм миқдоридаги пул номаълум шахс томонидан ечиб олинганини маълум қилган.

Олиб борилган тезкор-қидирув ишлари натижасида, ушбу жиноят 27 ва 18 ёшли опа-сингиллар томонидан содир этилгани маълум бўлган.

Жиноят иши доирасида, гумонланувчилар сўроқ қилинганида, 27 ёшли аёл пластик картани ўзи оператор бўлиб ишлайдиган «Малика» савдо мажмуасида жойлашган дўконидан топиб олгани, кейинчалик топиб олинган пластик карта тўғрисида ўзининг синглисига хабар бериб, биргаликда банкомат олдига боришгани ва таваккал қилиб, пароль тариқасида «7777» рақамини теришгани, шу тариқа пластик картанинг ҳимоя кодини билиб олиб, унда бўлган пулларини ечиб олишганини маълум қилишган.

Ҳолат юзасидан Юнусобод туман ИИО ФМБ ҳузуридаги Тергов бўлими томонидан опа-сингилларга нисбатан Жиноят кодексининг 169-моддаси 2-қисми «б» ва «г» бандлари (ўғрилик) билан жиноят иши қўзғатилган.

Ҳозирда тергов ҳаракатлари давом этаётгани маълум қилинган.

«Ҳурматли фуқаролар, жиноятчиларнинг ишини осонлаштириб, пластик картангизга оддий пароль қўйманг!», дейилади департамент хабарида.

Эслатиб ўтамиз, Фарғонада футболчи ҳамкасбларининг картасидан пул ўғирлагани, Қорақалпоғистонда 18 ёшли йигит ўзганинг картасидан 6,3 миллион сўм ечиб олгани, Қашқадарёда ўзганинг пластик картасидан пул ечиб олган талаба ушлангани ва Қорақалпоғистонда шифокор 76 ёшли ҳамкасбининг пластик картасидан пул ўғирлагани хабар берилганди. Шунингдек Россияда ўзбекистонлик йигит аёлнинг картасидан пул ўғирлагани ва Бухорода ўзгаларнинг пластик картасидан пулларни ечиб келган талаба фош этилгани маълум қилинганди.

Қорақалпоғистонда Солиқ инспекциясига тегишли ошхона портлаши оқибатида бир киши ҳалок бўлди
Янгиликлар12:27 | 28.1.23
Қорақалпоғистонда Солиқ инспекциясига тегишли ошхона портлаши оқибатида бир киши ҳалок бўлди
Қорақалпоғистонда «Қизил китоб»га киритилган кийиклар отиб кетилди
Янгиликлар12:05 | 28.1.23
Қорақалпоғистонда «Қизил китоб»га киритилган кийиклар отиб кетилди
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Янгиликлар11:43 | 28.1.23
Қуддусдаги синагога ёнида содир бўлган отишмада 7 киши ўлдирилган ва 10 киши яраланган
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Янгиликлар11:21 | 28.1.23
Тошкент ҳокими вазифасини бажарувчи Бахтиёр Раҳмонов Ободонлаштириш бош бошқармаси бошлиғини ишдан олди
Абдумавлон Қосимов Тошкент шаҳар депутати лавозимидан озод қилинди
Янгиликлар10:59 | 28.1.23
Абдумавлон Қосимов Тошкент шаҳар депутати лавозимидан озод қилинди
ДХХ Human.uz нашрининг раҳбарияти билан боғлиқ иш юзасидан қўшимча маълумот берди
Янгиликлар19:01 | 27.1.23
ДХХ Human.uz нашрининг раҳбарияти билан боғлиқ иш юзасидан қўшимча маълумот берди