Украина бош вазири Денис Шмигаль «Укрэнерго» компанияси Россия ҳужумлари оқибатида қарийб 2 млрд доллар зарар кўрганини маълум қилди, деб хабар беради Meduza.

Қайд этилишича, Россия томонидан амалга оширилган ракета зарбалари оқибатида «Укрэнерго» қарийб 2 миллиард доллар зарар кўрди — бу компаниянинг 2021 йилги даромадидан 500 баробарга кўп демак.

Мамлакат бош вазирининг қўшимча қилишича, ҳозирда бутун мамлакат бўйлаб энергия тармоқларини қайта тиклаш учун 70 та таъмирлаш бригадалари — 1000 дан ортиқ энергетик иш олиб бормоқда.

Шмигалнинг таъкидлашича, Россия армияси томонидан инфратузилмага етказилган зарар дастлабки ҳисоб-китобларга бўйича 70 миллиад гривенни (1,9 миллиард доллар) ташкил этмоқда.

Молиявий ҳисоботларда келтирилишича, «Укренерго» 2021 йилда 3,8 миллион доллар соф фойда кўрган. 2022 йилда эса компания даромадининг 90 фоизини давлат бюджетига йўналтириш бўйича қарор қабул қилган.

Аввалроқ Россия армияси Украинага қарши уруш бошлаганидан бери мамлакатга қарата 4,7 мингдан ортиқ ракета учиргани тўғрисида хабар берилганди. Шунингдек, Зеленский Россияга асирларни «барчани барчага» формуласида алмашиш таклифини берганди.