Ўзбекистон ҳамда Туркия ўртасида ҳарбий ва ҳарбий-техник ҳамкорликни ривожлантириш тўғрисида битим имзоланди

Ўзбекистон Республикаси мудофаа вазири генерал-лейтенант Баҳодир Қурбонов бошчилигидаги делегация Туркияга ташриф буюрди. Бу ҳақда Мудофаа вазирлиги ахборот хизмати хабар берди.

Фото: Мудофаа вазирлиги

Қайд этилишича, музокаралар аввалида Ўзбекистон мудофаа вазири Баҳодир Қурбонов Истанбулда содир бўлган терактлар муносабати билан ҳалок бўлганлар оиласига чуқур ҳамдардлик билдирди, жароҳатланганларнинг тезроқ соғайиб кетишига тилак билдирди.

Шундан сўнг музокараларда мудофаа вазирлари Ўзбекистон ва Туркия давлатларини бир-бири билан чамбарчас боғлаб турувчи жиҳатларга алоҳида тўхталиб ўтишди ҳамда ҳарбий соҳада икки томонлама ҳамкорликнинг бугунги ҳолати, истиқболига, шунингдек, ҳарбий тайёргарлик, таълим ва техник таъминот масалаларига ҳам алоҳида эътибор қаратишди.

Музокаралардан сўнг икки давлат Мудофаа вазирлиги раҳбарлари Ўзбекистон ҳамда Туркия ўртасида ҳарбий ва ҳарбий-техник ҳамкорликни ривожлантириш тўғрисидаги битимни имзоладилар. Туркия ва Ўзбекистон ўртасида ҳарбий ҳамкорлик тўғрисидаги битим имзоланганидан сўнг вазирлар матбуот учун қўшма баёнот берди.

«Туркия ва Ўзбекистон ўртасидаги муносабатлар қардошлик қонунларига асосланган бўлиб, юқори стратегик шериклик даражасида. Биз ҳамкорликни интенсив ва муваффақиятли ривожлантирмоқдамиз. Айниқса, президентларимизнинг ташриф ва учрашувлари давомида муносабатларимиз сезиларли даражада жадаллашди. Бу борадаги икки томонлама ҳамкорлик шу йўналишда давом этиши учун барча саъй-ҳаракатларимизни сафарбар этишга тайёрмиз», – деди Баҳодир Қурбонов.

Аввалроқ Сенат Ўзбекистон ва Туркия ўртасидаги ҳарбий келишувни маъқуллагани ҳақида хабар берилганди.

Туркманистон пойтахтида «чиройли» рақамларни автомобиллардан олиб ташлаш буюрилди
Янгиликлар22:02 | 30.11.22
Туркманистон пойтахтида «чиройли» рақамларни автомобиллардан олиб ташлаш буюрилди
Ўзбекистонда ерларни аукционга чиқариш соддалаштирилади
Янгиликлар21:23 | 30.11.22
Ўзбекистонда ерларни аукционга чиқариш соддалаштирилади
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Мақолалар21:00 | 30.11.22
Бугун оқшоми. Ўлдириб кетилган профилактика инспектори, қурувчиларни ногиронлар аравачасига миндирган ҳоким, Ўзбекистонга яқинлашаётган совуқ кунлар
Пеле касалхонага ётқизилди
Спорт20:38 | 30.11.22
Пеле касалхонага ётқизилди
Россияда террористларни молиялаштирганликда айбланган Ўзбекистон фуқароси 16 йилга қамалди
Янгиликлар20:11 | 30.11.22
Россияда террористларни молиялаштирганликда айбланган Ўзбекистон фуқароси 16 йилга қамалди
НАТО бош котиби Украинада тинчликни таъминлашнинг «ягона йўли» ҳақида гапирди
Янгиликлар19:20 | 30.11.22
НАТО бош котиби Украинада тинчликни таъминлашнинг «ягона йўли» ҳақида гапирди