Uzbekistan Airways ахборот хизматининг хабар беришича, 26 ноябрь куни Фарғона халқаро аеропортида ноқулай об-ҳаво шароити туфайли HY-278 Истанбул – Фарғона рейси Тошкент халқаро аеропортига йўналтирилди.

Шунингдек, кузатилаётган ноқулай об-ҳаво сабабли 26 ноябрь куни амалга оширилиши керак бўлган HY-082 Фарғона – Тошкент рейси ҳам қолдирилди.

«Йўловчилар бекор бўлган қатнов авиачипталарининг тўлиқ қийматини чипта сотиб олинган жойда қайтариб олишлари ёки бошқа санага бепул қайта бронлаш ҳуқуқига эгадирлар», — дейилади хабарда.

Аввалроқ Тошкентдан Москва, Истанбул, Дубай ва бошқа йўналишларга учувчи қатор рейслар кечиктирилгани ҳақида хабар берилганди.