Баҳодир Жалолов америкалик рақибини 4-раундда нокаутга учратиб, ғалаба қозонди
Профессионал бокснинг супер оғир вазн тоифасида ҳаракат қилаётган Баҳодир Жалолов (11-0, 11 КО) ўзининг навбатдаги жангини ўтказди.
Калифорнияда (АҚШ) бўлиб ўтган жанг оқшомида Ўзбекистон вакилига америкалик Кёртис Ҳарпер (14-8, 9 КО) рақиб бўлди.
Жангнинг учинчи раундида Жалолов фаолликни ошириб, рақибини нокдаун ҳолатига туширди.
Тўртинчи раундда ҳам Баҳодир кетма-кет зарбалар йўллашда давом этди. Яна бир нокдаун ҳолатидан кейин ҳакам техник нокаут қайд этди ва жанг тўхтатилди.
Шу тариқа Жалолов ўзининг профессионал боксдаги 12-жангида 12 марта муддатидан аввал ғалабани қўлга киритди.
