Москванинг «Спартак» жамоаси собиқ футболчиси Душан Петкович Амстердам аэропортида 115 килограмм кокаин билан қўлга тушди, деб хабар берди «Тузиластва».

Собиқ фуболчи шериги Дамиан Роганович билан бирга Сербия, Нидерландия ва Бельгия полициялари ҳамкорлигида ўтказилган ҳамкорликдаги операцияда ушланган. Полиция версиясига кўра, Петкович Жанубий Африкадан гиёҳванд моддаларни Роттердам портига етказиш билан шуғулланувчи жиноий тўда аъзоси ҳисобланади. Гумонланувчилар гиёҳванд моддаларни Бельгиядаги Арлон қалъасининг бетон плиталари орасига яширган, кейин эса Европа бўйлаб тарқатишган.

Петкович 2004 йилда «Спартак» таркибида ўйнаган. Сербиялик собиқ футболчи «қизил-оқлар» таркибида 20 та ўйинда иштирок этиб, учта гол урган. Шунингдек, Петкович Россия чемпионатида «Сатурн» жамоасида ҳам ўйнаган ва ундан кетиб, карьерасини якунлаган.

Аввалроқ Бразилияда қидирувда бўлган италиялик «кокаин қироли» қўлга олингани, Афғонистондан Марказий Осиёга гиёҳванд моддалар оқими ошгани маълум қилгани, Абхазияда 2 нафар ўзбекистонлик эркак йирик миқдордаги гиёҳванд моддалар савдосида гумонланиб ушлангани тўғрисида хабар берилганди.