Бугуннинг энг сара суратларини эътиборингизга ҳавола этамиз.

Украинанинг Бахмут шаҳрида ракета зарбалари оқибатида вайрон бўлган кўприк ёнида турган маҳаллий аҳоли.

Украинанинг Киев шаҳрида бозордан маҳсулот сотиб олаётган одамлар.

Хитойнинг ковид чекловларига нисбатан намойишга чиққанлар Шанхайда ҳимоя кийимидаги Covid-19 ходимларига тўқнаш келмоқда.

Хитойнинг Гонконг шаҳридаги Гонконг университетида ковид чекловларига қарши бўш қоғозлар кўтариб намойишга чиққан аёл.

Перунинг Лима шаҳридаги Санта-Мария пляжида шаҳар ишчилари ўлик пеликанларни йиғишмоқда. Миллий ўрмон ва ёввойи табиат хизмати маълумотларига кўра, ноябрь ойида Перунинг Тинч океани бўйлаб камида 13,000 қуш парранда гриппидан нобуд бўлган.

Кашмирлик фермерлар Сринагардаги Анчар кўлида маҳаллий Надур номи билан машҳур лотус пояларини олиш учун нолдан паст ҳароратларда совуқ сувга шўнғимоқда.

Индонезиядаги соҳилда қумга кўмилиб олган киши.

Гавайидаги вулқон отилишини кузатаётган одамлар.

БР-367 автомагистрали Бразилиянинг Парана штатининг Гуаратуба шаҳридаги кўчкидан сўнг тўсиб қўйилди. Ўт ўчирувчиларнинг ҳисоб-китобларига кўра, Бразилия жанубидаги йўлда 20 га яқин автомобилни босиб қолган кўчки оқибатида икки киши ўлик ҳолда топилган ва камида 30 киши бедарак йўқолган.

Австралия ва Дания термалари ўртасидаги баҳсда тўп учун курашаётган даниялик Кристиан Эриксен ва австралиялик Аарон Муй.

Жаҳон чемпионати доирасидаги 3-тур баҳсида тўқнаш келган Франция ва Тунис терма жамоаларнинг икки футболчиси тўп учун курашмоқда.

Жаҳон чемпионати доирасидаги Франция ва Тунис терма жамоалари ўртасидаги ўйин вақтида майдонга югуриб чиққан мухлис.

Англиялик Жюд Беллингем Жаҳон чемпионати Уэлсга қарши ўйин танаффуси пайтида.

Лондон ҳайвонот боғида Рождество олдидан тақвим очаётган сурикат.

Қанотли кийим кийган киши Испаниянинг Малага вилояти Ронда шаҳри асосий аркаси устидан учиб ўтмоқда.

Кениядан келган циркчилар Ватиканда папа Франсиск қаршисида чиқиш қилмоқда.