Европа Иттифоқи Россия нефти нарх чегарасини баррели учун 60 доллардан баҳолади
Европа Иттифоқи мамлакатлари Россия нефтининг нархлари чегарасини бир баррель учун 60 доллардан жорий этишга келишиб олди. Бу ҳақда Meduza хабар берди.
Қайд этилишича, 2023 йил 15 январдан кейин нефть нархининг ўзгаришига қараб энг юқори нарх чегараси қайта кўриб чиқилади. Бунда Россия нефтининг жаҳон бозорларидаги нархи жорий қийматидан камида 5 фоизга паст бўлиши кераклиги таъкидланган.
Қарор Европа Иттифоқи Кенгаши томонидан тасдиқланиши керак, бу 3 декабрда содир бўлиши кутилмоқда.
Дастлаб, Европа комиссияси нарх чегарасини бир баррель учун 65 долларга ўрнатишни тавсия қилган. Польша ва Болтиқбўйи давлатлари эса баррели учун 30 долларгача бўлган анча пастроқ нархни талаб қилишган.
Эслатиб ўтамиз, аввалроқ Европа Иттифоқи элчилари Россия нефти нархига чекловлар қўйишни келишиб олганди. Шунингдек, Европага нефть ва газдан воз кечиш қанчага тушиши келишиб олинган.
