Тошкентдаги газ қуйиш шохобчалари вақтинча ёпилади
Тошкент шаҳар ҳокимлиги пойтахтда газ босими пасайиб кетишига муносабат билдирди.
Маълум қилинишича, об-ҳаво ҳарорати кескин пасайгани сабабли шаҳрнинг айрим ҳудудларида газ ва иссиқлик таъминотида узилишлар кузатилмоқда — коммунал хизматлар мавжуд газ заҳирасини барча истеъмолчилар орасида тенг тақсимлашга уринишига қарамай, ресурслар етишмаяпти.
Шунингдек, иложи борича кўпроқ хонадонларни газ ва иссиқлик билан таъминлаш мақсадида, жамоат транспорт воситаларига хизмат кўрсатадиган шоҳобчалардан ташқари, қолган барча автомобилларга газ қуйиш шоҳобчалари вақтинчалик ёпилмоқда.
«Шаҳар маъмурияти муаммоларни бартараф этиш устида куну тун 24 соат ишламоқда, коммунал соҳа ходимлари эса ишларини юқори шайлик режимида давом эттирмоқда», дейилади хабарда.
Мавзуга доир: «Бас қилинг халқ ғазабини қўзғатишни». Учтепа ҳокимлиги журналистнинг газ босими пастлиги ҳақидаги шикоятига жавоб қайтарди
Аввалроқ Фарғона водийсидаги газ қуйиш шохобчаларининг иш вақти қисқартирилгани, Ўзбекистонда газдан қарздор иссиқхоналар олти ойгача пеня тўламаслиги тўғрисида хабар берилганди.
Шунингдек, Ўзбекистонда газ «заправка»ларга табиий газ етказиб бериш бутунлай тўхтатилаётгани рад этилганди.
