Европа комиссияси Россияга қарши санкцияларнинг тўққизинчи пакетини тақдим этди. Бу ҳақда Еврокомиссия раҳбари Урсула фон дер Ляйен маълум қилди.

Еврокомиссия раҳбари Урсула фон дер Ляйеннинг баёнотида айтилишича, Еврокомиссия Россияга қарши янги, тўққизинчи санкциялар тўплами бўйича таклифлар киритди. Янги чекловлар пакетига қуйидагилар киритилган:

• 200 га яқин жисмоний ва юридик шахслар;
• Россиянинг янги учта банкига қарши чеклов чоралари;
• Россиянинг учувчисиз бошқариладиган қурилмаларни тўғридан-тўғри ҳамда Эрон каби учинчи давлатлар орқали олиб киришига чекловлар;
• Россия ҳарбий компанияси томонидан ишлатилиши мумкин бўлган маҳсулотлар учун экспорт назоратининг янги чекловлари;
• тўртта рус телеканали.

«Биз эфирдан яна 4 та телеканални олиб ташлаб, Россия пропаганда мшинасига қарши турамиз ва Россиянинг энергетика ва қазиб олиш секторига кўпроқ иқтисодий чоралар таклиф этамиз», — деган Еврокомиссия раҳбари.

Бундан ташқари, Европа Комиссияси Россиянинг энергетика ва тоғ-кон саноатига нисбатан қўшимча чекловчи чораларни киритишни, шунингдек, янги инвестицияларни тақиқлашни таклиф қилди.

Аввалроқ Евроиттифоқ Россияга қарши саккизинчи санкциялар пакетини тасдиқлагани, шунингдек, ЕИ Россияга дрон сотгани учун Эронга янги санкциялар қўллагани ҳамда Европа Иттифоқи Туркияга ҳам санкция қўллаши мумкинлиги ҳақида хабар берилганди.