Оқ уй Украинага янги ҳарбий ёрдам пакетини эълон қилди
АҚШ Украинага 275 миллион долларлик янги ҳарбий ёрдам пакетини эълон қилди. Бу ҳақда Оқ уй сайтида хабар берилган.
«Америка Қўшма Штатлари Конституцияси ва қонунлари, шу жумладан 1961 йилдаги Ташқи ёрдам тўғрисидаги қонуннинг 621-бўлимига мувофиқ Президент сифатида менга берилган ваколатга кўра, Давлат котибига Мудофаа вазирлигининг мудофаа буюмлари ва хизматлари, ҳарбий таълим ва таълим учун 275 миллион долларгача маблағни Украинага ёрдам кўрсатиш мақсадида ажратишни қарор қиламан», — дейилади хабарда.
Хабарда янги эълон қилинган ҳарбий ёрдам пакетига айнан қандай қуроллар киритилгани очиқланмаган.
Бундан ташқари, Буюк Британия Бош вазири Риши Сунак телефон орқали суҳбатда Украина президенти Владимир Зеленскийга яқин ҳафталарда Лондон Киевга зенит қурилмалари ва қисқа масофали ҳаво ҳужумидан мудофаа ракеталарини етказиб беришини айтди.
Аввалроқ АҚШ Украинага қанча ҳарбий ёрдам кўрсатганини очиқлагани ҳақида хабар берилганди.
