Ўзбекистонда репетиторлик нархи ошишига асосан қайси вилоятлар таъсир кўрсатаётгани маълум бўлди
Ўзбекистонда 2022 йилнинг ноябрь ойида репетиторлик нархлари октябрь ойига нисбатан, яъни бир ойда ўртача 1,1 фоизга ошган. Бу ҳақда Давлат статистика қўмитаси хабар берди.
Қайд этилишича, репетиторлик нархларининг республикада ўртача 1,1 фоизга ошишига Бухоро (0,3 фоиз) ва Қашқадарё (0,3 фоиз) вилоятларидаги нархларнинг ўзгариши энг юқори даражада таъсир қилган.
Репетиторлик нархлари йил бошидан буён ўртача 6,6 фоизга ошгани кузатилган.
«Репетиторлик нархлари ўтган йилнинг мос ойига нисбатан ,яъни йиллик нисбатда ўртача 7,4 фоизга қимматлашгани кузатилган», — дейилади хабарда.
Аввалроқ Ўзбекистон олийгоҳларида янгича ахборот тизими йўлга қўйилиши маълум қилинган. Шунингдек, қайси ҳудудида энг кўп абитуриент талаба бўлгани аниқланган.
