Бугуннинг энг сара суратларини эътиборингизга ҳавола этамиз.

Дима исмли бола онаси ва холаси билан Херсондан Хмельницкийга эвакуация қилинаётган одамларни олиб кетаётган поездда бормоқда. Озод қилинганидан беш ҳафта ўтгач, Херсон шаҳри ва унинг атрофидаги қишлоқлар ҳар куни Днепрнинг чап қирғоғидан рус қўшинлари томонидан бомбардимон қилинмоқда.

Украинанинг Харьков шаҳри дельфинариясидаги икки дельфин. Уруш сабаб бошқа шаҳарга эвакуация қилинган дельфинлар, денгиз шерлари ва тюленлар яна қайтарилди.

Киевда Россия дронининг ҳужуми оқибатида ёнғин келиб чиққан энергетика объектида ишлаётган ўт ўчирувчилар.

Буюк Британия бош вазири Риши Сунак Эстониянинг Тапа шаҳридаги Тапа ҳарбий базасида НАТО қўшинлари билан суҳбатлашмоқда.

Мехикода Эрондаги Маҳса Амини ўлими юзасидан намойишга чиққан аёллар. Улар юзларига қон рангини суртиш орқали ушбу мамлакатдаги теократик режимга қарши чиқиб, эронлик аёллар учун эркинлик талаб қилишмоқда.

Буюк Британиянинг Ливерпул шаҳрида Қироллик ҳамширалик коллежи аъзолари иш ташлашнинг иккинчи кунида Алдер Ҳей болалар шифохонаси олдидаги пикетда қатнашмоқда.

Ҳиндистоннинг Сринагар ҳудудида ҳукуматнинг инсон ресурслари ҳақидаги янги сиёсатига қарши норозилик намойишига чиққан ишчилар.

Таиланднинг Бангкок шаҳридаги савдо марказида ташкил этилган эмлаш муассасасида коронавирусга қарши вакцинанинг кучайтирувчи дозасини қабул қилаётган одамлар.

Таиланд жанубидаги Наратҳиват ҳудудида кучли ёмғирдан кейин сув тошқинида балиқ тутаётган эркаклар тўр ташламоқда.

Рим папаси Франциск Ватиканда Италия умумий меҳнат конфедерацияси (Confederazione Generale Italiana del Lavoro — CGIL) раҳбарлари ва делегатлари билан учрашувда кичкина қизалоқ билан сўрашмоқда.

Украинанинг Херсон шаҳрида Авлиё Николай (насронийликдаги илк епископ ва Santa Claus ёки Қорбобо ундан келиб чиққан)ни учратиб қолган қизалоқ.

Жанубий Кореянинг Сеул шаҳридаги акванариумда Янги Йил байрами муносабати билан ташкил этилган тадбирда Қорбобо ва буғу кийимларидаги ғаввосларни томоша қилаётган қизча.

Меҳмонлар Канаданинг Британия Колумбиясидаги ВанДюсен ботаника боғида ёруғлик фестивалида сайр қилмоқда. Фестивалда 6 гектар ҳудудда безатилган миллиондан ортиқ чироқлар мавжуд.

Қорбобо кийимидаги альпинистлар Словениянинг Любляна шаҳридаги Любляна университети тиббиёт маркази педиатрия клиникаси биносига чиқишмоқда.

Жанубий Кореянинг Сеул шаҳридаги Гванхвамун майдонида Сеул фонуслари фестивалида одамлар келаётган қуён йили учун ёритилган инсталляция ёнидан ўтишмоқда.

Япониянинг Токио шаҳрида аравачада ўтирган турли кийимлардаги итлар.

Жанубий Кореянинг Жанубий Кёнсан провинциясидаги сув омбори устида учиб юрган қушлар галаси.

Япониянинг Токио шаҳридаги замонавий санъат музейида ташкил этилган кўргазма.

Аргентина футбол ассоциацияси президенти ва Лионел Месси кубок билан Эзеиза халқаро аэропортига етиб келмоқда.

Франциялик Килиан Мбаппе ва жамоадошлари Париждаги Crillon меҳмонхонаси балконидан мухлисларга қўл силкимоқда.