Ижтимоий тармоқларда Тошкент шаҳри Чилонзор туманида Audi автомобили ёниб кетгани акс этган видеолар тарқалди. Фавқулодда вазиятлар вазирлиги ҳолат юзасидан расмий маълумот берди.

Қайд этилишича, 2022 йилнинг 21 декабрь куни соат 16:32 да Чилонзор тумани «Қозиробод» МФЙ ҳудудидан ўтган КХЙ кўчасида Audi автомобилида ёнғин содир бўлаётганлиги тўғрисида шаҳар ФВБга хабар келиб тушган.

Шунга кўра, 2 та ёнғин-қутқарув экипажи соат 16:39 да воқеа жойига етиб бориб, ёнғин соат 16:54 да ўчирилган. Ёнғин оқибатида автомобилнинг мотор ҳамда салон қисми ёниб, зарарланган.

Ёнғин электр симларида юзага келган қисқа туташув туфайли содир бўлгани тахмин қилинмоқда. Ҳодиса оқибатда тан жароҳати олган ва ҳалок бўлганлар йўқлиги маълум қилинган.

Эслатиб ўтамиз, аввалроқ Самақрандда Lada билан тўқнашган юк машинаси ёниб кетгани, Тошкентда Lexus билан тўқнашган Captiva ёниб кетгани ва Тошкентда ҳаракатланаётган Matiz ёниб кетгани ҳақида хабар берилганди. Шунингдек, Қашқадарёда ҳаракатланиб кетаётган Damas ёниб кетганди.