Олий Мажлис Қонунчилик палатаси депутати Расул Кушербаев депутатлик фаолиятини якунлашини маълум қилди. Бу ҳақда у Telegram’даги каналига ёзиб қолдирган.

«Депутатлик фаолиятимни якунлашга қарор қилдим. Бундай ишлай олмас эканман. Бунга мажбур бўлганимдан афсусдаман. Ишонч билдирган, қўллаб-қувватлаган барчага раҳмат! Розинг бўлинглар. Насиб қилса қолганини вақт кўрсатади. Аллоҳ мададкор бўлсин», — деб ёзади Кушербаев.

Таъкидлаш керакки, Кушербаев Қонунчилик палатасининг энг фаол депутатларидан ҳисобланади. Аввалроқ у блогер Олимжон Ҳайдаровнинг 21 млн сўм жаримага тортилгани бўйича муносабат билдирган, Ўзбекистон энергетика соҳасини танқид қилган эди.