Самарқандда боласини калтаклаган она нима учун бундай қилгани маълум бўлди — видео
Самарқанд вилояти Ургут туманида аёл ёш боласини калтаклагани тўғрисида хабар берилганди. Аёл нима сабабдан бундай иш қилгани маълум бўлди.
«Хўжайиним билан айтишиб қолдим. Улар кўп гапларни гапирдилар, шундан кейин бирданига жаҳлим чиқиб кетди. Болам ёнимда ъая-аяъ деётганди, уни уриб ташладим», — дея таъкидлайди аёл.
Аниқланишича, чет элда бўладиган фуқаро аёлга доимий равишда қўпол муносабатда бўлгани ҳамда унинг шахсиятига тегадиган гапларни айтгани боис ҳолат юз берган.
«Хўжайинимга ичяпсиз, чекяпсиз, десам, номусимга тегадиган кўп гапларни гапириб юборади. Чидаб бўлмайдиган гапларни гапиради», — дейди аёл.
Беш нафар боланинг онаси ўша вақтда депрессия ҳолатида бўлганини ва бу ишдан пушаймонлигини айтган.
Аввалроқ Бола ҳуқуқлари бўйича вакил Алия Юнусова Самарқандда фарзандини калтаклаган аёл иши юзасидан муносабат билдириб, аёлни оналик ҳуқуқидан маҳрум қилиш таклифини берганди. Сентябрь охирларида Жиноят ишлари бўйича Пайариқ тумани суди биносида икки ёшли фарзандини калтаклаган аёлга ҳукм ўқилганди.
