Беларусь ҳудудига Украина ракетаси қулаб тушди
Беларусь ҳудудига Украина ракетаси қулаб тушгани айтилмоқда. Бу ҳақда «Белта» нашри хабар берди.
Қайд этилишича, бугун, 29 декабрь куни соат 10:00 ва 11:00 оралиғида Украинанинг С-300 ҳаво ҳужумидан мудофаа комплексига тегишли ракета Беларусь ҳудудига келиб тушган.
Воқеа ҳақида Беларусь президентига хабар берилган. Унинг топшириғига кўра, Тергов қўмитаси ва Мудофаа вазирлиги ходимларидан бир гуруҳ мутахассисларига қулаш сабабларини аниқлаштириш топширилган.
Мавжуд маълумотларга кўра, содир бўлган воқеанинг иккита асосий версияси кўриб чиқилмоқда: ракета Беларусь ҳудудига Польшада бўлгани каби нотўғри йўналишда учиб кетган ёки Беларусь ҳаво ҳужумидан мудофаа тизимларининг ишлаши натижасида уриб туширилган.
Қурбонлар ҳақида ҳозирча маълумот йўқ.
Мавзуга доир:
